শোণিতপুৰৰ বালিপৰাৰ সমীপৱৰ্তী আদাবাৰী চাহ বাগিচাত আজি সমাজত অন্ধবিশ্বাস, কুঃসংস্কাৰৰ বিৰুদ্ধে এক সজাগতামূলক অনুষ্ঠান অনুষ্ঠিত হয় । অসম বিজ্ঞান প্ৰযুক্তিবিদ্যা আৰু পৰিৱেশ পৰিষদৰ পৃষ্ঠপোষকতাত আৰু বালিপৰাৰ খেলমাটি আদাবাৰী মধ্য ইংৰাজী বিদ্যালয়ৰ আৰ্যভট্ট বিজ্ঞান কেন্দ্ৰৰ উদ্যোগত অনুষ্ঠিত সজাগতা সভাখন সঞ্চালনা কৰে আৰ্যভট্ট বিজ্ঞান কেন্দ্ৰৰ সমন্বয়ক সুভাষ বৈশ্যই । অনুষ্ঠানত সমল ব্যক্তি হিচাপে উপস্থিত থাকি সচেতন যুৱক প্ৰাঞ্জল প্ৰতিম বৰাই ৰাইজক উদ্দেশ্যি কয় যে অন্ধবিশ্বাস, কুঃসংস্কাৰে সমাজত কলংকৰ সৃষ্টি কৰি আহিছে । সমাজত বৰ্তমান সময়ত একাংশ সমাজবিৰোধী লোকে সমাজত বিশৃঙ্খলতাৰ সৃষ্টি কৰাৰ মানসিকতাৰে সমাজত অপপ্ৰচাৰ কৰি থকা পৰিলক্ষিত হৈছে ।সময় থাকোতে এনেধৰণৰ দানৱক আমি মষিমূৰ কৰিব লাগিব। একাংশ লোকে লোকবিশ্বাসক অন্ধবিশ্বাসৰ ৰূপ দিবলৈ অসৎ প্ৰয়াস কৰি আহিছে । সমাজপৰা এনেধৰণৰ কুঃ সংস্কাৰ দূৰ কৰিবলৈ ঐক্যৱদ্ধতাৰে যুঁজ কৰিব লাগিব । সমাজৰপৰা এনেধৰণৰ কুঃসংস্কাৰক পুলিয়ে-পোখাই ওফৰাবলৈ সকলো দল-সংগঠন, ৰাইজে সমানে যুঁজ চলাব লাগিব। অনুষ্ঠানত আন এগৰাকী সমল ব্যক্তি হিচাপে উপস্থিত থাকি ৰঞ্জিৎ চহৰীয়াই কয় যে সমাজৰপৰা আমি অন্ধবিশ্বাস, কুঃ সংস্কাৰসমূহক দূৰ কৰিব লাগিব। অনুষ্ঠানত বিশিষ্ট অতিথি হিচাপে উপস্থিত থাকে বিশিষ্ট সাহিত্যিক, কবি ছত্ৰমান চুব্বা । অনুষ্ঠানৰ লগত সংগতি ৰাখি চাহ জনগোষ্ঠীৰ ঝুমুৰ নৃত্য, উড়িয়া সমাজৰ উড়িয়া নৃত্য আদি বিভিন্ন জাতি জনগোষ্ঠীয় লোক-নৃত্য প্ৰদৰ্শন কৰা হয় ।
Trending
- DoHUA Minister Jayanta Mallabaruah Inspects Flood-Affected Areas in Guwahati
- বি এ আই চিৰ উদ্যোগত প্ৰদৰ্শনীমূলক মেলা আয়োজন
- Assam Skill University Signs Landmark MoU with Directorate of Sainik Welfare
- Minister Pijush Hazarika Visits Second Bereaved Family in Gujarat Affected by the Pahalgam Terror Attack
- Minister Ashok Singhal Visits Family of Pehelgam Terror Attack Victim in Balasore, Odisha
- Assam’s flood problem is almost becoming an issue of the past under CM Dr Sarma’s leadership: Minister Hazarika
- Assam CM meets Defence Minister; seeks intervention in establishing Defence Corridor
- Northeast Witnessing Unprecedented Development Under PM Modi’s Leadership: Pabitra Margherita
- ৰাইজিং নৰ্থ ইষ্ট বিনিয়োগকাৰী সন্মিলনৰ দ্বিতীয়দিনা আলোচনাত স্থান লাভ কাঁহৰ বাচন বৰ্তনত জিআই টেগ, লণ্ডনলৈ নেমুটেঙাৰ ৰপ্তানিৰ প্ৰসংগ
- পবিতৰা অভয়াৰণ্যত বৃদ্ধি পাইছে পৰ্যটক – দৰ্শনাৰ্থীৰ সংখ্যা- ৰাজহ সংগ্ৰহৰ পৰিমাণো পূৰ্বতকৈ বৃদ্ধি