ভয়াবহ কৰ’না ভাইৰাছৰ সামাজিক সংক্ৰমণ প্ৰতিৰোধৰ বাবে সুদীৰ্ঘ দিন ধৰি বন্ধ হৈ আছে সমগ্ৰ ৰাজ্য কিম্বা ৰাজধানী মহানগৰীৰ শিক্ষানুষ্ঠান সমূহ । ৰাজ্য চৰকাৰৰ শিক্ষা বিভাগৰ নিৰ্দেশনা অনুসৰি বৰ্তমান অব্যাহত আছে অনলাইন শিক্ষা ব্যৱস্থা । ইয়াৰ মাজতেই অফুৰন্ত সময় অতিবাহিত কৰিছে বিদ্যালয় পৰ্যায়ৰ কণ কণ ছাত্র – ছাত্ৰী সকলে । নিজ গৃহতেই বন্দী হৈ কোনোবাই যদি লুডু – কেৰম আদি খেলত ব্যস্ত হৈ পৰিছে আন কোনোবাই আকৌ ছবি আঁকি – টি ভি চাই সময় পাৰ কৰিছে । ইয়াৰ মাজতেই গুৱাহাটী মহানগৰীৰ পশ্চিম প্ৰান্তৰ কেইজনমান শিশুৱে বিভিন্ন ধৰণৰ ঘৰৰ নক্সা বনাই সকলোৰে দৃষ্টি আকৰ্ষণ কৰিবলৈ সক্ষম হৈছে । উল্লেখনীয় যে মহানগৰীৰ পশ্চিম প্ৰান্তৰ আজাৰা চেইণ্ট ক্লাৰেট স্কুল আৰু চেইণ্ট যোচেফ স্কুলৰ কেইজনমান কণ কণ ছাত্র – ছাত্ৰীয়ে বিদ্যালয় বন্ধ আৰু অনলাইন পাঠদানৰ মাজতেই সাজি উলিয়াইছে ঘৰৰ কেবাটাও আকৰ্ষণীয় নক্সা । আজাৰা চেইণ্ট ক্লাৰেট স্কুলৰ ক্ৰমে ষষ্ঠ শ্ৰেণীৰ ছাত্ৰী দৃষ্টি শৰ্মা , চতুৰ্থ শ্ৰেণীৰ ছাত্ৰ ক্ৰমে কৃশানকু কলিতা আৰু প্ৰিয়াংশু দাস , প্ৰথম শ্ৰেণীৰ ছাত্ৰী ধৃতি শৰ্মা আৰু চেইণ্ট যোচেফ স্কুলৰ প্ৰথম শ্ৰেণীৰ ছাত্ৰ অৰ্ণব নাথে বিভিন্ন আৰ্হিৰ ঘৰ সাজি বিদ্যালয় বন্ধৰ সময় পাৰ কৰিছে । আনহাতে বিদ্যালয় বন্ধৰ সময়ত গৃহকৰ্মৰ ভিত্তিত অনুষ্ঠিত এক প্ৰতিযোগিতাত ধৃতি শৰ্মাই প্ৰথম , দৃষ্টি শৰ্মাই দ্বিতীয় , অৰ্ণব নাথে তৃতীয় , কৃশানকু কলিতাই চতুৰ্থ আৰু প্ৰিয়াংশু দাসে পঞ্চম স্থান লাভ কৰিবলৈ সক্ষম হয় । কণ কণ ছাত্র – ছাত্ৰী সকলৰ এনে নিপুনতাক সকলোৱে প্ৰশংসা কৰিছে।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন