গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত এতিয়াৰে পৰা বাহিৰৰ পৰা অহা দেশ-বিদেশৰ যাত্ৰী, পৰ্যটক সকলে অসমৰ বিভিন্ন জাতি-জনগোষ্ঠীৰ পৰম্পৰাগত থলুৱা কিন্তু স্বাস্থ্যৰ উপযোগী খাদ্যৰ জুতি লব পাৰিব। বিশেষকৈ বিমানবন্দৰ পৰিচালনাৰ দায়িত্বত থকা গুৱাহাটী ইণ্টাৰনেশ্যনেল এয়াৰপৰ্ট লিমিটেড চমুকৈ জি আই এ এলে যাত্ৰী সকলৰ বহুমূলীয়া মতামতৰ ওপৰত আৰু তেওঁলোকৰ প্ৰয়োজনীয়তাৰ প্ৰতি সদায় গুৰুত্ব আৰোপ কৰি অহা হৈছে। সেই উদেশ্যৰে প্ৰস্থান কক্ষৰ সন্মুখতে,৭ অক্টোবৰত অসমৰ পৰম্পৰাগত খাদ্যৰ এখন বিপণি লোকেল ফুডৰ শুভ উদ্বোধন কৰা হয়। বিপণিখনত যাত্ৰী সকলে অসমৰ পৰম্পৰাগত খাদ্য যেনে দৈ-চিৰা, জহাচাউলৰ ভজা ভাত, বাঁহৰ গাজৰে ৰন্ধা বিভিন্ন ব্যঞ্জন, ভোট জলকিয়াৰ আচাৰ, কোমল-চাউলৰ জলপান ইত্যাদিৰ জুতি ল’ব পাৰিব। এই বিপণিখন উদ্বোধনৰ আন এটা উল্লেখনীয় দিশ হৈছে যাত্ৰাৰ বাবে উত্তৰ-পূৰ্বাঞ্চললৈ অহা বিভিন্ন যাত্ৰীয়ে যেন বিমানকোঠতে অসমৰ থলুৱা পৰম্পৰাগত স্বাস্থ্যসন্মত খাদ্যৰ জুতি লৈ তৃপ্ত হ’ব পাৰে। আনহাতে বিপণিখন শুভ উদ্বোধন কৰে বিমানকোঠৰ মুখ্য কাৰ্যবাহী বিষয়া স্নেহাশীষ দত্ত আৰু বিমানকোঠৰ নিৰাপত্তাৰ দায়িত্বত চি আই এচ এফৰ কমাণ্ডেণ্ট লালমোহন ঠাকুৰে। অনুষ্ঠানত জি আই এ এলৰ বহু বিষয়া-কৰ্মচাৰী উপস্থিত আছিল।
Trending
- এয়াৰটেলৰ গ্ৰাহকৰ বাবে বিশেষ সুবিধা
- সাংসদ গৌৰৱ গগৈৰ দাবীৰ প্ৰতি সঁহাৰি ৰেলৱে বোৰ্ডৰ -ডুমডুমা ৰেলৱে ষ্টেচন পুনৰ মুকলি কৰি যাত্ৰী সংৰক্ষণ ব্যৱস্থা(passenger reservation system) স্থাপনৰ দাবীক মান্যতা
- সদৌ অসম সাংবাদিক সন্থা(আজু)ৰ নগাঁও জিলা সমিতিৰ জিলা আয়ুক্ত দেৱাশীষ শৰ্মাক সম্বৰ্ধনা
- তামুলপুৰত লোন মেলা সম্পন্ন
- মালিগাঁৱত ৰে’লৱেৰ এছচি আৰু এছ টি এম্পলয়িজ এছ’চিয়েচনৰ গ্ৰীষ্মকালীন শিবিৰৰ সামৰণি
- মিডিয়া এছ’চিয়েছন, অসমৰ উদ্যোগত মহীৰূহ সাংবাদিক কনকসেন ডেকাৰ ৯৩ সংখ্যক জন্ম জয়ন্তী পালন
- ডং বান্ধ সন্দৰ্ভত মন্ত্ৰী অশোক সিংহলৰ গুৰুত্বপূর্ণ সভা-ডাঃ ৰবি বড়ো অসামৰিক চিকিৎসালয়ত মন্ত্ৰী অশোক সিংহলৰ আকস্মিক পৰিদৰ্শন
- গুৱাহাটীত সপ্তাহজোৰা অসামৰিক প্ৰশিক্ষণ কাৰ্যসূচীৰ সামৰণি
- কাঁহিকুছিস্থিত গোলাপ বৰবৰা ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত আয়োজিত পঞ্চায়তৰ সভাপতি সকলৰ প্ৰশিক্ষণ কাৰ্যসূচী মুকলি কৰিলে ৰাজ্য চৰকাৰ পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে
- এইচ ডি এফ চি বেংক ‘পৰিৱৰ্তনে দক্ষতা বিকাশ আৰু জীৱিকা প্ৰসাৰ কাৰ্যসূচীৰ অধীনত ৭.২ লাখৰো অধিক যুৱক-যুৱতীক প্ৰশিক্ষণ প্রদান