বৰঝাৰ বিমান বন্দৰৰ খাদ্য বিপনীৰ শুভাৰম্ভ

0 261

বৰঝাৰস্থিত গোপীনাথ বৰদলৈ আন্তঃৰাষ্ট্ৰীয় বিমানকোঠৰ ভিতৰত আৰু আগমন হলৰ বাহিৰত, যাত্ৰীসকলৰ আৰু বিমান বন্দৰত কৰ্মৰত কৰ্মচাৰী সকলৰ সুবিধাৰ্থে তিনিখনকৈ খাদ্য বিপনীৰ আজি আনুষ্ঠানিকভাৱে শুভাৰম্ভ কৰা হয়। বিপনীকেইখন শুভাৰম্ভ কৰে বিমানকোঠৰ মুখ্য বিষয়া উৎপল বৰুৱাই। বিভিন্নধৰণৰ দেশীয় খাদ্য-সামগ্ৰীৰ লগতে বিবিধ চকলেট উপলব্ধ হোৱা বিপনীকেইখন উদ্বোধন কৰি ভাষণ প্ৰসঙ্গত উৎপল বৰুৱাই কয় যে, বিপনীকেইখনে দীৰ্ঘদিন ধৰি বিমানকোঠত আৱশ্যক হোৱা এক বহুদিনীয়া অভাৱ পূৰণ কৰিব। স্বাস্থ্য সন্মতভাৱে খাদ্যগ্ৰহণৰ সুবিধা থকা বিপণিকেইখনৰ উদ্বোধনত, ভাষণ প্ৰসংগত বৰুৱাই নতুনকৈ আৰম্ভ হোৱা বিপনী কেইখনৰ সুবিধা গ্ৰহণ কৰিবলৈ যাত্ৰীসকলৰ লগতে বিমানকোঠৰ কৰ্মচাৰী সকলকো আহ্বান জনাই। উল্লেখ্য যে, বিপণি কেইখন ক্ৰমে ৱিম্বলে, ম’ম ব্লুজ আৰু ৫০ ডিগ্ৰি চোৱাৰ্মা, য’ত বিভিন্ন ধৰণৰ দেশীয় আৰু বিদেশী চকলেটৰ লগতে ৰাষ্ট্ৰীয় আৰু আন্তঃৰাষ্ট্ৰীয় খাদ্য সম্ভাৰ উপলব্ধ হ’ব।

Leave A Reply

Your email address will not be published.