ইণ্টাৰনেটৰ জৰিয়তে মুক্তি পাব অসমৰ প্ৰথমখন ছবি বহুবৃত্ত

0 267

আজি ভাৰ্চুৱেল ছবি গৃহৰ যোগে মুক্তি পাব উৎপল দত্তৰ বহুবৃত্ত। জানিব পৰা মতে, ‘মাই চিনেমাহল’ নামৰ ইণ্টাৰনেট ছবিগৃহত শুক্ৰবাৰে এই ছবিখন মুক্তি দিয়া হ’ব। এনেদৰে ভাৰ্চুৱেলি মুক্তি দিয়া এইখনেই অসমীয়া প্ৰথমখন ছবি। গোৱাত অনুষ্ঠিত হোৱা ইণ্ডিয়া ইণ্টাৰনেচনেল ফিল্ম ফেষ্টিভেলৰ ইণ্ডিয়ান পেন’ৰামাত প্রদর্শন হৈছিল। আৰু সেইসময়ত বিশ্বৰ ৰসিক মহলৰ মাজত দৃষ্টি আকর্ষণ কৰিবলৈ সক্ষম হয়।স্বপ্না দত্তৰ এটা কবিতাৰ আলমত নির্মাণ হোৱা এই ছবিখনৰ মূল চৰিত্রত অভিনয় কৰিছে উদয়ন দুৱৰা আৰু প্রণামী বৰাই৷ চিত্রগ্রহণ কৰিছিল নগেন বৈশ্যই৷ ছবিখনৰ সম্পাদনা লগত জড়িত হৈ আছে প্রসিদ্ধ চিত্র সম্পাদক অসীম সিনহাই আৰু সংগীত পৰিচালনা লগত জৰিত আছে অমৃত প্রীতম৷ উল্লেখযোগ্য যে মাই চিনেমা হলে উত্তৰ পূব ভাৰতৰ চুটি ফিচাৰ ফ্লিমৰ বাবে আশাৰ বতৰা কঢ়িয়াই আনিছে। ক’ভিডসৃষ্ট পৰিৱেশৰ বাবে সম্প্ৰতি চিত্ৰগৃহ সমূহ ‌বন্ধ হৈ আছে সেয়েহে ইণ্টাৰনেটৰ জৰিয়তে এনেদৰে ছবি মুক্তি দিয়াৰ পৰিকল্পনা চলিছে।

Leave A Reply

Your email address will not be published.