অসম কুংফু সন্থাৰ অধীনস্থ কামৰূপ (গ্ৰাম্য) কুংফু সন্থাৰ উদ্যোগত মিৰ্জাৰ পলাশবাৰী আৰ.বি.উচ্চতৰ মাধ্যমিক বহুমুখী বিদ্যালয় খেলপথাৰত ২১ নৱেম্বৰত মাষ্টাৰ দাদুল কুমাৰ দাস সোঁৱৰণী প্ৰথম বাৰ্ষিক আন্ত: ক্লাব কামৰূপ কুুংফু চেম্পিয়নশ্বিপ খনি অনুষ্ঠিত হৈ যায়। চাব জুনিয়ৰ, জুনিয়ৰ আৰু ছিনিয়ৰ পৰ্য্যায়ত ৩৩ টা শ্ৰেণীত অনুষ্ঠিত হৈ যোৱা প্ৰতিযোগিতাত স্থান প্ৰাপ্ত সকলক সোঁণ, ৰূপ, ব্ৰঞ্জৰ পদক আৰু মানপত্ৰৰে পুৰস্কৃত কৰা হয়। কামৰূপ গ্ৰাম্য আৰু মহানগৰ জিলাৰ ২৪৪ গৰাকী প্ৰতিযোগীয়ে অংশ গ্ৰহন কৰা প্ৰতিযোগিতাত কামৰূপ গ্ৰাম্যৰ দলে শ্ৰেষ্ঠ দলৰ আৰু কামৰূপ মহানগৰ জিলাৰ দলে দ্বিতীয় শ্ৰেষ্ঠ দলৰ পুৰস্কাৰ লাভ কৰে। আনহাতে কৰ্ণ দাসে শ্ৰেষ্ঠ পুৰুষ খেলুৱৈ আৰু প্ৰিয়ংকা নাথে শ্ৰেষ্ঠ ছোৱালী খেলুৱৈৰ পুৰস্কাৰ লাভ কৰে। আন্ত: ৰাষ্ট্ৰীয় খেলুৱৈ তথা অসম কুুংফো সন্থাৰ সহকাৰী সাধাৰণ সম্পাদক ধৰ্মেশ্বৰ হালৈয়ে আঁতধৰা পুৰস্কাৰ বিতৰণী সভাত পলাশবাৰী সমষ্টিৰ বিধায়ক হেমাংগ ঠাকুৰীয়া মুখ্য অতিথি হিচাপে আৰু অসম কুংফু সন্থাৰ সাধাৰণ সম্পাদক পংকজ কুমাৰ দাস, কাৰ্যকৰী সভাপতি সন্তোষ কুমাৰ নাথ মুখ্য বিচাৰক এন. চি.ৰাৱে আৰু দৈনিক জনমভূমি কাকতৰ সাংবাদিক দীপক চন্দ্ৰ কলিতাই বঁটা বিতৰক হিচাপে উপস্থিত থাকে। ইপিনে উক্ত দিনাই অসম কুংফু সন্থাৰ ২১ সংখ্যক অধিৱেশন খনিও মিৰ্জাৰ পলাশবাৰী.আৰ.বি উচ্চতৰ মাধ্যমিক বহুমুখী বিদ্যালয় খেল পথাৰত অনুষ্ঠিত হৈ যায়। এন. চি. ৰাৱৰ সভাপতিত্বত অনুষ্ঠিত অধিৱেশনৰ বিষয় বাছনি সভাত পলাশবাৰী সমষ্টিৰ বিধায়ক হেমাংগ ঠাকুৰীয়াক সভাপতি, চন্দন কুমাৰ নাথ কাৰ্যকৰী সভাপতি, বৰ্তমানৰ সাধাৰণ সম্পাদক পংকজ কুমাৰ দাসক (মিৰ্জা) আৰু আন্তঃ ৰাষ্ট্ৰীয় খেলুৱৈ ধৰ্মেশ্বৰ হালৈক সহকাৰী সাধাৰণ সম্পাদক হিচাপে লৈ আগন্তুক তিনি বছৰৰ বাবে ৫২ জনীয়া নতুন কাৰ্যকৰী সমিতিখন গঠন কৰা হয়। এই সমিতিত বাবুল দাসক (গোলাঘাট), কন্দৰ্প কুমাৰ নাথ (বঙাইগাঁও), সিদ্ধাৰ্থ শইকীয়া (যোৰহাট), পৰাগ চৌধুৰী (গুৱাহাটী), উৎপল বৰুৱা (তিনিচুকীয়া) আৰু বসন্ত শইকীয়া (লখিমপুৰ)ক উপ সভাপতি হিচাপে বাছনি কৰা হয়। আগন্তুক ২০২২ বৰ্ষত অসম কুংফু সন্থাৰ উদ্যোগত অসমত ৰাষ্ট্ৰীয় পৰ্যায়ত এখনি কংফু প্ৰতিযোগিতা আয়োজন কৰাৰ সিদ্ধান্ত গ্ৰহণ কৰা হয়।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ