লণ্ডনত জীনা ৰাজকুমাৰীৰ অনুষ্ঠান

0 170

আন্তৰ্জাতিক খ্যাতিসম্পন্ন শিল্পী জীনা ৰাজকুমাৰী পুনৰ লণ্ডনত অনুষ্ঠান পৰিৱেশনৰ বাবে নিমন্ত্ৰীত হৈছে।লোক সংগীত আৰু নৃত্যৰ জৰিয়তে আন্তৰ্জাতিক পৰ্যায়ত সমাদৃত হৈ অহা শিল্পী গৰাকীয়ে ধাৰাবাহিক ভাৱে বিদেশৰ মাটিত অনুষ্ঠান পৰিৱেশন কৰি আহিছে।যুক্তৰাজ্য অসম সাহিত্য সভাই অনুষ্ঠিত কৰিব লগা ৫৭৪ তম শংকৰ জয়ন্তীত গীত পৰিৱেশনৰ বাবে নিমন্ত্ৰীত হৈছে জীনা ৰাজকুমাৰী।লণ্ডনৰ কিংছ লেংলি কমিউনিটি চেণ্টাৰত অহা ৮ অক্টোবৰ তাৰিখে জীনা ৰাজকুমাৰী আৰু তেওঁৰ দুই ছাত্ৰী অঞ্চিতা মহন্ত আৰু অনুস্মিতা মহন্তইও অনুষ্ঠান পৰিৱেশন কৰিব।উল্লেখযোগ্য যে সদস্য সমাপ্ত হোৱা North East India Festival আৰু লাউচত অনুষ্ঠিত সাংস্কৃতিক বিনিময় কাৰ্যসূচীত অংশগ্ৰহণ কৰি প্ৰশংসিত হৈছিল শিল্পী গৰাকী।জীনা ৰাজকুমাৰীয়ে ইয়াৰ পূৰ্বে চিন, থাইলেণ্ড,লাউচ,ভূটান,নেপাল, বাংলাদেশ,ইংলেণ্ড আদিত নিয়মীয়াকৈ অনুষ্ঠান পৰিৱেশন কৰি আহিছে।অহা ৫ অক্টোবৰ,২০২২ তাৰিখে শিল্পী দলটোৱে মুম্বাইৰ পৰা ডুবাই হৈ লণ্ডন অভিমুখে যাত্ৰা কৰিব।

Leave A Reply

Your email address will not be published.