শোণিতপুৰৰ বালিপৰা খণ্ড প্ৰাথমিক শিক্ষা বিষয়া কাৰ্যালয়ৰ অধীনৰ লোক্ৰা মণ্ডল সমল কেন্দ্ৰৰ কেইবাখনো বিদ্যালয়ত আজি অহা ১ জুনৰপৰা অনুষ্ঠিত হ’বলগীয়া তৃতীয় পৰ্যায়ৰ গুণোৎসৱৰ প্ৰস্তুতিৰ অংশ হিচাপে সজাগতামূলক ৰেলী আৰু সজাগতা সভা অনুষ্ঠিত কৰা হয় । দিনৰ ১০:৩০ বজাৰপৰা বুঢ়াগাঁও মধ্য ইংৰাজী বিদ্যালয় আৰু বুঢ়াগাঁও চৰকাৰী প্ৰাথমিক বিদ্যালয় প্ৰাংগনৰপৰা লোক্ৰা চেন্টাৰৰ লগতে সমীপৱৰ্তী গাঁও পৰিভ্ৰমণ কৰোৱায় এক বিশাল সজাগতামূলক ৰেলী উলিয়ায় । ৰেলীত বিদ্যালয় দুখনৰ শিক্ষক-শিক্ষয়িত্ৰী, ছাত্ৰ-ছাত্ৰী, অভিভাৱক, বিদ্যালয় পৰিচালনা সমিতিৰ বিষয়ববীয়াসকলে সক্ৰিয়ভাৱে অংশ কৰে। ৰেলীৰ পি্ছতে অনুষ্ঠিত কৰা হয় সজাগতামূলক সভা। বুঢ়াগাঁও মধ্য ইংৰাজী বিদ্যালয়ৰ পৰিচালনা সমিতিৰ সভাপতি অঞ্জন নাথৰ সভাপতিত্বত অনুষ্ঠিত সভাখনত আঁত ধৰে বিদ্যালয়খনৰ জ্যেষ্ঠ সহকাৰী শিক্ষক পদ্মেশ্বৰ শইকীয়াই আৰু সভাৰ উদ্দেশ্যে ব্যাখ্যা কৰে বিদ্যালয়খনৰ প্ৰধান শিক্ষয়িত্ৰী বিউটী শইকীয়া বৰাই।অনুষ্ঠানটোত উপস্থিত থাকি লোক্ৰা মণ্ডল সমল কেন্দ্ৰৰ সমন্বয়ক প্ৰাঞ্জল বৰাই আগন্তুক গুণোৎসৱৰ মূল্যায়ন প্ৰক্ৰিয়া ,শিক্ষক-শিক্ষাৰ্থী আৰু ৰাইজৰ অংশগ্ৰহণৰ প্ৰয়োজনীয়তা, তথ্য পাতিৰ উন্নীতকৰণ ইত্যাদি বিষয়ত অৱগত কৰে । সভাখনত বুঢ়াগাঁও চৰকাৰী প্ৰাথমিক বিদ্যালয়ৰ প্ৰধান শিক্ষক কল্যাণ গগৈসহ সকলো শিক্ষক, ৰাইজ উপস্থিত থাকে । একেদৰে আজি নয়ালবৰঘাৰী মধ্য ইংৰাজী বিদ্যালয় আৰু নয়ালবৰঘাৰী প্ৰাথমিক বিদ্যালয়তো গুণোৎসৱ সজাগতা ৰেলী আৰু সজাগতা সভা অনুষ্ঠিত কৰে । ৰেলীৰ যোগেদি ৰাইজক সজাগ কৰিবলৈ সৎ প্ৰয়াস কৰা হয় । ৰেলীৰ পিছতে বিদ্যালয়ত অনুষ্ঠিত সজাগতা সভাত গুণোৎসৱৰ বিভিন্ন দিশ, সহযোগিতা ইত্যাদিৰ বিষয়ে আলোচনা কৰা হয় । সভাখনত নয়ালবৰঘাৰী মধ্য ইংৰাজী বিদ্যালয়ৰ প্ৰধান শিক্ষক স্বৰূপ শৰ্মাসহ সমূহ শিক্ষাগুৰু, নয়ালবৰঘাৰী প্ৰাথমিক বিদ্যালয়ৰ প্ৰধান শিক্ষক পংকজ বৰাসহ সমূহ শিক্ষাগুৰু, লোক্ৰা মণ্ডল সমল কেন্দ্ৰ সমন্বয়ক, ৰাইজ, অভিভাৱক উপস্থিত থাকে । সমান্তৰালভাৱে সোণাই নেপালী প্ৰাথমিক বিদ্যালয়তো অনুষ্ঠিত কৰা হয় গুণোৎসৱ সজাগতা ৰেলী আৰু সজাগতা সভা।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন