শ্ৰীমন্ত শংকৰদেৱ সংঘৰ ৮৯ সংখ্যক বাৰ্ষিক অধিবেশনলৈ মাজত মাথো কেইটামান দিন।অহা ৫ ফেব্ৰুৱাৰীৰ পৰা ৮ ফেব্ৰুৱাৰীলৈ দেৰগাঁৱৰ বিশ্ব ঐতিহ্য কাজিৰঙা সমন্বয় ক্ষেত্ৰৰ মহুৰা পথাৰত অনুষ্ঠিত হ’বলগীয়া অধিবেশনস্থলীত এতিয়া উদুলি মুদুলি পৰিৱেশে বিৰাজ কৰিছে।হিন্দু মুছলমানৰ সম্প্ৰীতিৰে শংকৰ আজানৰ মিলনভূমিলৈ পৰিণত হৈছে অধিবেশনস্থলী ।হৰিনাম,জিকিৰৰ ধ্বনিৰে মুখৰিত হৈছে মহুৰা পথাৰ।এই অধিবেশনত জাতি ধৰ্ম বৰ্ণ নিৰ্বিশেষে প্ৰায় ৩০ লক্ষাধিক ভক্তৰ সমাগম হোৱাৰ আশা কৰা হৈছে।ইতিমধ্যে শিবিৰ,ভোজনালয় আৰু ৰান্ধনীঘৰৰ কাম সম্পূৰ্ণ হৈ উঠিছে।জানিব পৰা মতে ৩০০ টা চৌকাত প্ৰায় ১৫০ গৰাকী ৰান্ধনীয়ে খাদ্য প্ৰস্তুত কৰিব।ভকত বৈষ্ণৱসকলক আপ্যায়িত কৰিবলৈ সাজু হৈছে সেৱা বাহিনী।তাৰ লগতে ১০,০০০ স্বেচ্ছাসেৱক থাকিব পৰাকৈ স্বেচ্ছাসেৱক শিবিৰ,তিনি শতাধিক প্ৰতিনিধিৰ শিবিৰ নিৰ্মাণৰ কাম ক্ষীপ্ৰ গতিত চলি আছে।উল্লেখযোগ্য যে প্ৰতি বছৰৰ দৰে এইবাৰ শংকৰী সংঘৰ অধিবেশনৰ প্ৰতীক হ’ব কাজিৰঙা ৰাষ্ট্ৰীয় উদ্যান।এই অধিৱেশনৰ বাজেট প্ৰায় দুই কোটি আশী লাখ টকা নিৰ্দ্ধাৰিত কৰা হৈছে।অধিৱেশনৰ কাৰ্যসূচী অনুসৰি নামপ্ৰসঙ্গকে ধৰি সমূহীয়া প্ৰাৰ্থনা,ভাগৱত ভ্ৰমণ,অঙ্কীয়া নাট প্ৰদৰ্শন,পৰিৱেশ নিকাকৰণৰ লগতে বিভিন্ন পৰিষদৰ সভা অনুষ্ঠিত হ’ব।উল্লেখ্য যে অধিবেশনত ৰাজ্যপাল জগদীশ মুখী উপস্থিত থাকিব।সহযোগ কৰিলে বোকাখাতৰ পৰা দিব্য জ্যোতি হাজৰিকাই..
Trending
- দৰং জিলাত ব্ৰহ্মপুত্ৰ আৰু ডিমিলা নৈৰ পাৰত নিৰ্মীয়মান নতুন মথাউৰি পৰিদৰ্শন জলসম্পদ মন্ত্ৰী পীযুষ হাজৰীকাৰ
- ৰাজ্যিক পক্ষী সুৰক্ষা পৰিষদৰ উদ্যোগত বিশ্ব পক্ষী দিৱস উদযাপন
- Minister Pijush Hazarika Reviews Key Embankment Projects in BTR to Strengthen Flood and Erosion Protection Ahead of Monsoon
- আকৰ্ষণৰ কেন্দ্ৰবিন্দু হৈ পৰিছে চিংক্লি কলনীৰ জসুবুৰা লেক – মনোমোহা প্ৰাকৃতিক সৌন্দৰ্যই হাত বাউল দি মাতে পৰ্যটকক
- অসমৰ ২০টা গুৰুত্বপূর্ণ স্থানত বিশেষ মক ড্ৰিল
- পঞ্চায়ত নিৰ্বাচনৰ বাবে ভোটগ্ৰহণ কেন্দ্ৰলৈ ৰাওনা প্ৰিজাইডিং, পলিং বিষয়া- কাইলৈ কামৰূপ মহানগৰ জিলাৰ ২৬৬ টা কেন্দ্ৰত ভোটগ্ৰহণ
- ৰাণী হাইস্কুল চৌহদত চি আৰ এফৰ উদ্যোগত গছপুলি ৰোপণ অভিযান
- গুৱাহাটীত অৰুণাচল প্ৰদেশৰ গালো জনগোষ্ঠীৰ মপিন উৎসৱ উদযাপন
- জুন মাহৰ শেষত ৰেলৱে নেটৱৰ্কৰ সৈতে সংযুক্ত হ’ব মিজোৰামৰ ৰাজধানী চহৰ আইজল -ৰাজধানী নতুন দিল্লীৰ পৰা পোনপটীয়াকৈ চলিব ৰেল
- মধ্য অসম ৰেডিঅ’ শ্ৰোতা সংঘৰ ব্যতিক্ৰমী অনুষ্ঠান অনুষ্ঠিত