সৈনিক কল্যাণ সঞ্চালকালয়ৰ উদ্যোগত দীঘলীপুখুৰীৰ পাৰত কাৰ্গিল বিজয় দিৱস উদযাপন

0 138

সৈনিক কল্যাণ সঞ্চালকালয়ৰ উদ্যোগত কালি বিয়লি গুৱাহাটীৰ দীঘলীপুখুৰীৰ পাৰত থকা যুদ্ধ স্মাৰক উদ্যানত কাৰ্গিল বিজয় দিৱস পালন কৰা হয়৷ অনুষ্ঠানত আদৰণি ভাষণ দিয়ে সৈনিক কল্যাণ সঞ্চালকালয় অসমৰ সঞ্চালক বিগ্ৰেডিয়াৰ ডি মজুমদাৰে৷ অনুষ্ঠানৰ মুখ্য অতিথি অৱসৰপ্ৰাপ্ত লেফটেনেন্ট জেনেৰেল পি কে ভড়ালীয়ে কাৰ্গিল যুদ্ধৰ ছহিদসকলক শ্ৰদ্ধা জনাই পুষ্পাঞ্জলি অৰ্পন কৰে৷ অনুষ্ঠানত লায়ন্স ক্লাৱৰ তৰফৰ পৰা অৱসৰপ্ৰাপ্ত লেফটেনেন্ট জেনেৰেল পি কে ভড়ালী, বিগ্ৰেডিয়াৰ ডি মজুমদাৰ আৰু কৰ্ণেল ডি কে বৰাক সম্বৰ্ধনা জ্ঞাপন কৰা হয়৷অৱসৰপ্ৰাপ্ত লেফটেনেন্ট জেনেৰেল পি কে ভড়ালীয়ে ছহিদসকলক সুঁৱৰি আৰু কৰ্ণেল ডি কে বৰাই কাৰ্গিল যুদ্ধৰ স্মৃতি বৰ্ণনা কৰি ভাষণ দিয়ে৷অনুষ্ঠানত কেবাটাও দেশপ্ৰেমমূলক গীত পৰিবেশন কৰা হয়৷সন্ধিয়া যুদ্ধ স্মাৰক উদ্যানত মমবাটি প্ৰজ্বলন কৰা হয়৷

Leave A Reply

Your email address will not be published.