অসম চৰকাৰৰ হস্ততাত আৰু বস্ত্ৰশিল্প বিভাগৰ ব্যক্তিগত আয় বৃদ্ধি আঁচনিৰ অধীনত ৰাজ্যৰ দুখীয়া মহিলা সকলে তাঁতশালত কাপোৰ বৈ আৰ্থিক ভাৱে যাতে স্বাৱলম্বী হ`ব পাৰে তাৰ বাবে তাঁতশাল বিতৰণকে ধৰি বিভিন্নজনে আঁচনি গ্ৰহণ কৰা হৈছে । আনকি গুৱাহাটীৰ সাংসদ কুইন ওজায়ো তেওঁৰ সংসদীয় ক্ষেত্ৰৰ অধীনৰ ১০ টা বিধানসভা সমষ্টিত এই আঁচনিৰ সুবিধা গ্ৰহণ কৰি দুখীয়া মহিলা সকলে যাতে স্বাৱলম্বী হ`ব পাৰে তাৰ ওপৰত গুৰুত্ব আৰোপ কৰিছে । আজি এই আঁচনিৰ অধীনত সাংসদৰ আদৰ্শ গাঁও হিচাপে ঘোষিত পশ্চিম গুৱাহাটী সমষ্টিৰ দক্ষিণ ভোলাগাওঁ গাঁও পঞ্চায়তৰ অধীনৰ ৰাণীৰ সমীপৰ গৰাখহনীয়াপাৰাত ,অঞ্চলটোৰ ১৪ গৰাকী দুখীয়া মহিলাক এখনকৈ উন্নত মানৰ তাঁতশাল বিতৰণ কৰা হয় । বিতৰণ কাৰ্যসূচীত ভাগ লৈ অসম চৰকাৰৰ হস্ততাত আৰু বস্ত্ৰশিল্প বিভাগৰ অতিৰিক্ত সঞ্চালক নিশিকান্ত শৰ্মাই আঁচনিখনৰ বাখ্যা দাঙি ধৰে আৰু ইয়াৰ লাভালাভৰ সুবিধা গ্ৰহণ কৰিবলৈ মহিলা সকলক আহ্বান জনায় । কাৰ্যসূচীত ভাগ লৈ সাংসদ কুইন ওজাৰ মনোনীত প্ৰতিনিধি , জিলা উন্নয়ন আৰু নিৰীক্ষণ কমিটিৰ সদস্য প্ৰশান্ত মহন্তই মহিলা সকলে যাতে তাঁতশাল ঘৰত পেলাই নাৰাখি তাক উৎপাদনমুখী কামত ব্যৱহাৰ কৰিবলৈ আহ্বান জনায় । কাৰ্যসূচীত হস্ততাত আৰু বস্ত্ৰশিল্প বিভাগৰ পৰিদৰ্শক নৱজ্যোতি শৰ্মা , সমাজকর্মী উমাকান্ত দাস , জিতেন্দ্ৰৰ খত্তৰ , জিতুমণি দাসকে ধৰি কেবাজনো বিশিষ্ট লোক উপস্থিত থাকে।
Trending
- গুৱাহাটী প্ৰেছ ক্লাবত সাপ্তাহিক কবচৰ ২৯ তম্ বৰ্ষপূৰ্তি উদযাপন
- ধাৰাপুৰত ১৫ দিনীয়া গ্ৰীষ্মকালীন নাট কৰ্মশালা আৰম্ভ
- Brahmaputra Conclave on Balancing Development and Ecology Held in Guwahati
- ৰাণীৰ এলিফেণ্ট কৰিডৰত হাতীৰ সুৰক্ষামূলক ফলক স্থাপন
- গুৱহাটী বিশ্ববিদ্যালয় এন এছ এছ কোষৰ উদ্যোগত বন মহোৎসৱ পালন
- গুৱাহাটীত ৩২তম অসম ৰাজ্যিক একুৱেটিক চেম্পিয়নশ্বিপ
- KARGIL MARTYR CAPT JINTU GOGOI, VrC REMEMBERED ON 26th MARTYRDOM DAY
- সম্পূৰ্ণ বিদ্যুৎচালিত ব্যৱস্থাৰে ডিব্ৰুগড়লৈ চলাচল কৰিছে ৰাজধানী এক্সপ্ৰেছ
- সৰ্বভাৰতীয় পৰ্যায়ত উজলি উঠিছে তামুলপুৰ উন্নয়ন খণ্ড-দেশৰ ৫০০টা উন্নয়ন খণ্ডৰ ভিতৰত প্ৰথম স্থান
- মালামাল বয়জৰ ট্ৰেইলাৰ মুকলি- মুক্তিপূৰ্বেই ব্যাপক চৰ্চা