ইণ্ডিয়ান এচ’ছিয়েছন অব্ কনজাৰভেটিভ ডেন্টিষ্ট্ৰী এণ্ড এন্ডদন্টিক্চে অহা ২৭ আৰু ২৮ ফেব্ৰুৱাৰীত গুৱাহাটীৰ নিউ বিমানকোঠ পথত অৱস্থিত হোটেল কিৰণশ্ৰী গ্ৰেণ্ডত দুদিনীয়া কাৰ্যসূচীৰে সন্থাৰ বাৰ্ষিক সভা তথা অধিবেশনখন অনুষ্ঠিত কৰিবলৈ আয়োজন কৰিছে৷অধিবেশনৰ আয়োজক কমিটিৰ অধ্যক্ষ ডাঃ এ চি ভূঞা আৰু সম্পাদক ডাঃ ৰুবী কটকীয়ে জানিবলৈ দিয়া মতে ৰাষ্ট্ৰীয় আৰু আন্তৰাষ্ট্ৰীয় পৰ্যায়ৰ কেইবাগৰাকীও বিশেষজ্ঞ চিকিৎসকে বক্তা হিচাপে এই অধিবেশনত অংশ গ্ৰহণ কৰিব৷তাৰ ভিতৰত জাৰ্মানীৰ ডা°ডেনিচ কহলাৰ ,নিউয়ৰ্কৰ ডা° মহুৱা বোস পিল্লাই, ডেনমাৰ্কৰ ডা° লাৰ্চ ব্ৰঞ্জডেল,জামাইকাৰ ডা° শশী নালাপতি আৰু ইউ.এ ইৰ ডা° এচ ভেংকটেশ বাবুয়ে “অনলাইন বক্তা “হিচাপে আৰু দেশৰ আগশাৰীৰ বিষয় চিকিৎসক ডা° প্ৰদীপ কুমাৰ,ডা° আৰ এচ মোহন কুমাৰ,ডা° মিথুনজিত কৃষ্ণণ,ডা° মুকুট শীল,ডা° শিশিৰ সিং,ডা° এন ভেলমুৰগন,ডা° মিথ্ৰা হেগড়ে ,ডা° আদিত্য মিত্ৰ,ডা° লৰা মিশ্ৰ আৰু চিকয় ৱাঙে “অফলাইন বক্তা “হিচাপে এই অনুষ্ঠানত উপস্থিত থাকিব বুলি চাইণ্টিফিক কমিটিৰ অধ্যক্ষদ্বয় ডা° চন্দনা কলিতা আৰু ডা° লীমা দাসে জানিবলৈ দিছে৷অনুষ্ঠানৰ কোষাধ্যক্ষ ডা° ললিত চন্দ্ৰ বৰুৱাই জনোৱা মতে অধিৱেশনৰ লগত সংগতি ৰাখি বাণিজ্য মেলা আৰু সাংস্কৃতিক সন্ধিয়াও অনুষ্ঠিত হ’ব৷ অধিৱেশনৰ মুকলি সভাত সন্থাৰ সভাপতি ডা° ভি চন্দ্ৰশেখৰ,যুটীয়া সম্পাদক আৰ মোহন কুমাৰ,মুখ্য পৃষ্ঠপোষক ডা° দিব্যেন্দু মজুমদাৰ উপস্থিত থাকিব আৰু ইয়াতে ডা° আদ্ৰিজা ডেকাৰ তত্ত্বাৱধানত প্ৰকাশিত স্মৃতিগ্ৰন্থ উন্মোচন কৰাৰ লগতে প্ৰদান কৰা হ’ব “ইয়ং এচিভাৰ এৱাৰ্ড”৷
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন