ৰক্তদান মহৎ দান – এই কথাক সাৰোগত কৰিয়েই গুৱাহাটী বিশ্ববিদ্যালয় ৰাষ্ট্ৰীয় সেৱা আঁচনি চমুকৈ NSS গোটৰ উদ্যোগত লগতে গুৱাহাটী চিকিৎসা মহাবিদ্যালয় আৰু হস্পিতালৰ সহযোগত যোৱা ১৬ মাৰ্চ তাৰিখে ছাত্ৰ কল্যাণ সঞ্চালক কাৰ্যালয়ত এক বৃহৎ ৰক্তদান শিবিৰ অনুষ্ঠিত হৈ যায়। শিবিৰটোত প্ৰায় ৩০ ৰো অধিক স্বেচ্ছাসেৱকে ৰক্তদান কৰি মহানতাৰ পৰিচয় দিয়ে। ক’ভিড মহামাৰীৰ সময়ছোৱাৰ লগতে তাৰ পৰৱৰ্তী সময়তো এগৰাকী ৰোগীৰ বাবে তেজৰ অপৰিসীম গুৰুত্বৰ কথা উপলব্ধি কৰিয়েই গুৱাহাটী বিশ্ববিদ্যালয় এন এছ এছ গোটে এনে বিভিন্ন সমাজ হিতৈষী পদক্ষেপ গ্ৰহণ কৰি আহিছে। অনুষ্ঠিত হৈ যোৱা ৰক্তদান শিবিৰৰ শুভ উদ্বোধন কৰি ছাত্ৰ কল্যাণ সঞ্চালক ড° ৰঞ্জন কাকতিয়ে সমাজৰ প্ৰতি থকা ছাত্ৰ- ছাত্ৰীৰ দায়বদ্ধতাৰ বিষয়ে আলোকপাত কৰে। অনুষ্ঠানত বিশ্ববিদ্যালয় এন এছ এছ গোটৰ কাৰ্যবাহী বিষয়া ড° ৰিতুপৰ্ণ বৰাই উপস্থিত আটাইকে আদৰণি জনোৱাৰ লগতে ৰক্তদানৰ উপকাৰিতা বিষয়ে অৱগত কৰে। ৰক্তদাতাক কেনেকে উৎসাহ আৰু প্ৰেৰণা যোগাব পাৰি সেই বিষয়েও বক্তব্য প্ৰদান কৰে। এই শিবিৰৰ আয়োজক মণ্ডলীৰ লগতে ৰক্তদাতা ছাত্ৰ- ছাত্ৰী সকললৈ এই মহান দানৰ বাবে বিশ্ববিদ্যালয়ৰ উপাচাৰ্য ড° প্ৰতাপ জ্যোতি সন্দিকৈ তথা পঞ্জীয়ক ড° হেমন্ত কুমাৰ নাথে শুভেচ্ছা আৰু অভিনন্দন জ্ঞাপন কৰে। বিয়লি ৩ বজাত অন্ত পৰা ৰক্তদান শিবিৰ দিনযোৰা কাৰ্যসূচীৰে সুকলমে অনুষ্ঠিত হৈ যায়।
Trending
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme
- পৰিৱেশ কৰ্মী, জেষ্ঠ সাংবাদিক উত্তম শইকীয়ালৈ অসম চৰকাৰৰ পৰিৱেশ মিত্ৰ সন্মান
- বিশ্ব পৰিবেশ দিবসত আই এ এছ এছ টিত চাৰিগৰাকী বিশিষ্ট পৰিবেশকৰ্মীক পৰিবেশ মিত্ৰ বঁটা প্ৰদান