ভক্তিভাৱেৰে অসমীয়া ভাষা-সাহিত্যৰ সেৱা কৰি অহা এখনি আলোচনীৰ নেতৃত্ব দি অহা সাহিত্যসেৱী ব্ৰজেন্দ্ৰ নাথ ডেকাই যোৱা ২৭ বছৰ ধৰি নিৰলসভাৱে ভাষা-সাহিত্যক প্ৰাণ দি আহিছে। ‘বাৰ্তাপখিলী’ নামৰ এই আলোচনীখন ক’ভিড পৰিস্থিতিৰ সময়তো স্থবিৰ নহ’ল। অসমীয়া ভাষা সাহিত্য-সংস্কৃতিৰ পূৰ্ণাংগ মাহেকীয়া আলোচনী বাৰ্তাপখিলীৰ আজি ৰূপালী জয়ন্তী বৰ্ষৰ সামৰণি অনুষ্ঠানত এইদৰে বিশিষ্ট অতিথি হিচাপে অংশগ্ৰহণ কৰি এইদৰে কয় অসম চৰকাৰৰ যুটীয়া আৰক্ষী আয়ুক্ত তথা কবি, ‘আইনা’ আলোচনীৰ সম্পাদক পাৰ্থসাৰথি মহন্তই। তেওঁ ভাষণ প্ৰসংগত আৰু কয় যে এই আলোচনীৰ আছে অসমীয়া জাতীয় চেতনা। আমাৰ মাতৃভাষাৰ আত্ম এই আলোচনীখন বুলিও গুৰুত্বপূৰ্ণ মন্তব্য আগবঢ়ায়। আকাশবাণী গুৱাহাটী কেন্দ্ৰৰ প্ৰচাৰণ কাৰ্যবাহী ইন্দ্ৰজিৎ দাসে আজি বিয়লি ৪ বজাৰ পৰা মাছখোৱা প্ৰাগজ্যোতি সাংস্কৃতিক প্ৰকল্পৰ প্ৰেক্ষাগৃহত অনুষ্ঠিত গাম্ভীৰ্যপূৰ্ণ সভাত মুখ্য অতিথি হিচাপে অংশগ্ৰহণ কৰে অসম চৰকাৰৰ ৰেচম আৰু হস্ততাঁত বস্ত্ৰ মন্ত্ৰী তথা বড়োলেণ্ড উন্নয়ন মন্ত্ৰী উৰ্খাউ গৌৰা ব্ৰহ্মই অংশগ্ৰহণ কৰি কেতবোৰ গুৰুত্বপূৰ্ণ মন্তব্য আগবঢ়ায়। তেওঁ ভাষণ প্ৰসংগত অসমীয়া ভাষা সাহিত্যৰ বাবে ব্ৰজেন্দ্ৰ নাথ ডেকাই গোটেই জীৱন উৎসৰ্গা কৰি আহিছে বুলি উল্লেখ কৰি এই আলোচনীখন আমাৰ বাবে ইতিহাস হৈ ৰ’ব বুলিও তাৎপৰ্যপূৰ্ণ মন্তব্য আগবঢ়ায়। ‘গিৰজনি’ আলোচনীৰ মুখ্য সম্পাদক ড০ মুকুল চক্ৰৱৰ্তীৱে আদৰণী ভাষণ আগবঢ়োৱা সভাত বিশিষ্ট অতিথি হিচাপে অসমীয়া প্ৰতিদিন কাকতৰ মুখ্য সহযোগী সম্পাদক অচ্যুৎ কুমাৰ পাটোৱাৰীয়েও অংশগ্ৰহণ কৰি নাতিদীৰ্ঘ বক্তব্য আগবঢ়ায়। তেওঁ ‘বাৰ্তাপখিলী’ আলোচনীখনিয়ে অসমীয়া ভাষা-সাহিত্যৰ বাবে এক অভিলেখ ৰচনা কৰিছে বুলি উল্লেখ কৰি কয় যে মানুহৰ কথা কোৱা, মাতৃভাষাৰ কথা কোৱা আলোচনীখনেই হ’ল বাৰ্তাপখিলী। সভাত অন্যগৰাকী বিশিষ্ট অতিথি হিচাপে উপস্থিত থাকি গুৰুত্বপূৰ্ণ মন্তব্য আগবঢ়াই ‘দৈনিক অগ্ৰদূত’ কাকতৰ মুখ্য সম্পাদক তথা অসম সাহিত্য সভাৰ প্ৰাক্তন সভাপতি কনকসেন ডেকাই। তেওঁ ভাষণ প্ৰসংগত এই ৰূপালী জয়ন্তী বৰ্ষ গৰকা অসমীয়া ভাষা-সাহিত্যৰ উল্লেখযোগ্য মাহেকীয়া আলোচনী ‘বাৰ্তাপখিলী’ প্ৰকাশৰ বাবে আমাৰ দায়িত্ব আছে। অসম চৰকাৰৰ অৱসৰপ্ৰাপ্ত উপায়ুক্ত তথা বাৰ্তাপখিলীৰ উপদেষ্টা থানেশ্বৰ মালাকাৰেও বক্তব্য আগবঢ়ায়। শিশু শিল্পী নিয়ৰকণা দাসৰ বৰগীত পৰিৱেশনে আৰম্ভ হোৱা অনুষ্ঠানতে এহাজাৰ পৃষ্ঠাৰে সমৃদ্ধ মাহেকীয়া ‘বাৰ্তাপখিলী’ৰ শাৰদীয় বিশেষ সংখ্যাটি আনুষ্ঠানিকভাৱে মুখ্য অতিথি আৰু বিশিষ্ট অতিথি হিচাপে অংশগ্ৰহণ কৰা ব্যক্তিসকলে উন্মোচন কৰে। প্ৰফুল্ল বৰ্মনে শৰাইৰ শৰাই আগবঢ়োৱা সভাত বাৰ্তাপখিলীৰ সম্পাদনা সমিতিৰ কাৰ্যবাহী সম্পাদক গোপাল জালান, দুৰ্গাপ্ৰসাদ হাজৰিকা, বিপুল কুমাৰ দিহিঙীয়াৰ লগতে আলোচনীখনিৰ লগত চিত্ৰশিল্পী হিচাপে সহযোগ আগবঢ়াই অহা বিশিষ্ট চিত্ৰশিল্পী চন্দন চুতীয়া আৰু বিষয়ববীয়া উপস্থিত থাকে।
Trending
- এয়াৰটেলৰ গ্ৰাহকৰ বাবে বিশেষ সুবিধা
- সাংসদ গৌৰৱ গগৈৰ দাবীৰ প্ৰতি সঁহাৰি ৰেলৱে বোৰ্ডৰ -ডুমডুমা ৰেলৱে ষ্টেচন পুনৰ মুকলি কৰি যাত্ৰী সংৰক্ষণ ব্যৱস্থা(passenger reservation system) স্থাপনৰ দাবীক মান্যতা
- সদৌ অসম সাংবাদিক সন্থা(আজু)ৰ নগাঁও জিলা সমিতিৰ জিলা আয়ুক্ত দেৱাশীষ শৰ্মাক সম্বৰ্ধনা
- তামুলপুৰত লোন মেলা সম্পন্ন
- মালিগাঁৱত ৰে’লৱেৰ এছচি আৰু এছ টি এম্পলয়িজ এছ’চিয়েচনৰ গ্ৰীষ্মকালীন শিবিৰৰ সামৰণি
- মিডিয়া এছ’চিয়েছন, অসমৰ উদ্যোগত মহীৰূহ সাংবাদিক কনকসেন ডেকাৰ ৯৩ সংখ্যক জন্ম জয়ন্তী পালন
- ডং বান্ধ সন্দৰ্ভত মন্ত্ৰী অশোক সিংহলৰ গুৰুত্বপূর্ণ সভা-ডাঃ ৰবি বড়ো অসামৰিক চিকিৎসালয়ত মন্ত্ৰী অশোক সিংহলৰ আকস্মিক পৰিদৰ্শন
- গুৱাহাটীত সপ্তাহজোৰা অসামৰিক প্ৰশিক্ষণ কাৰ্যসূচীৰ সামৰণি
- কাঁহিকুছিস্থিত গোলাপ বৰবৰা ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত আয়োজিত পঞ্চায়তৰ সভাপতি সকলৰ প্ৰশিক্ষণ কাৰ্যসূচী মুকলি কৰিলে ৰাজ্য চৰকাৰ পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে
- এইচ ডি এফ চি বেংক ‘পৰিৱৰ্তনে দক্ষতা বিকাশ আৰু জীৱিকা প্ৰসাৰ কাৰ্যসূচীৰ অধীনত ৭.২ লাখৰো অধিক যুৱক-যুৱতীক প্ৰশিক্ষণ প্রদান