আজি আনুষ্ঠানিকভাৱে মুকলি হ’ল অসম ৰাজ্যিক পৰিবহন নিগমৰ ১৫ খন বৈদ্যুতিক বাছ সেৱা । বাছকেইখন আনুষ্ঠানিকভাৱে মুকলি কৰি মুখ্যমন্ত্ৰী সৰ্বানন্দ সোণোৱালে কয় যে গুৱাহাটী চহৰক কেৱল উত্তৰ পূৱৰ দুৱাৰ মুখ হিচাপে ৰখাই নহয় দক্ষিণ পূৱ এছিয়াৰ দুৱাৰ মুখত পৰিণত কৰাৰ প্ৰচেষ্টা চলাইছো। ইয়াৰ বাবে পৰিস্কাৰ, স্বাস্থ্যকৰ চহৰ হিচাপে গঢ়ি তোলা বাবে চেষ্টা কৰিছো। প্ৰদূষণ মুক্ত পৰিবেশ গঢাৰ প্ৰথম পদক্ষেপ হিচাপে ইলেকট্ৰনিক বাছ সেৱা আৰম্ভ কৰিছো। জৈৱ বৈচিত্ৰ সংৰক্ষণৰ বাবে ফ্ৰাণ্স চৰকাৰে অসমক ৫০০ কোটি আগবঢ়োৱাৰ কথা জানিবলৈ দিয়ে। উদ্বোধনী অনুষ্ঠানত উপস্থিত থাকি পৰিবহন মন্ত্ৰী চন্দ্ৰ মোহন পাটোৱাৰীয়ে কয় যে হাঙ্গাৰী এটা মেনুফেক্সাৰিং কোম্পানী প্ৰতিষ্ঠাৰ যো-জা চলি আছে। ইতিমধ্যে ONGC চেক্টৰেও সহযোগিতা আগবঢ়াইছে। উদ্বোধনী অনুষ্ঠানত উপস্থিত থাকি অসম পৰিবহন নিগমৰ পৰিচালন সঞ্চালক আনন্দ প্ৰকাশ তিৱাৰীয়ে কয় যে ইতিমধ্যে ডিব্ৰুগড়ত এই প্ৰকল্পৰ কাম আৰম্ভ হৈছে। উল্লেখ্য যে ২০১৩ চনতেই ভাৰত চৰকাৰে এই প্ৰকল্প হাতত লৈছিল । ৫ খন ৰাজ্যৰ লগতে সম্প্ৰতি অসমত এই প্ৰকল্প কাৰ্যকৰী হৈছে। এই প্ৰকল্প সম্পূৰ্ণ কাৰ্য্যকৰীকৰণৰ বাবে কেন্দ্ৰীয় চৰকাৰে ৬০% আৰু ৰাজ্য চৰকাৰে ৪০% ব্যয় কৰিছে। আগন্তুক দিনত যোৰহাটত ২৫ খন, শিলচৰত ২৫ খন আৰু কামৰূপত ৫০ খন বাছ সেৱা প্ৰৱৰ্তন কৰিব বুলি জানিব পৰা গৈছে।উদ্বোধনী অনুষ্ঠানত বহুকেইজন বিশিষ্ট ব্যক্তি উপস্থিত থাকে।
Trending
- Brahmaputra Conclave on Balancing Development and Ecology Held in Guwahati
- ৰাণীৰ এলিফেণ্ট কৰিডৰত হাতীৰ সুৰক্ষামূলক ফলক স্থাপন
- গুৱহাটী বিশ্ববিদ্যালয় এন এছ এছ কোষৰ উদ্যোগত বন মহোৎসৱ পালন
- গুৱাহাটীত ৩২তম অসম ৰাজ্যিক একুৱেটিক চেম্পিয়নশ্বিপ
- KARGIL MARTYR CAPT JINTU GOGOI, VrC REMEMBERED ON 26th MARTYRDOM DAY
- সম্পূৰ্ণ বিদ্যুৎচালিত ব্যৱস্থাৰে ডিব্ৰুগড়লৈ চলাচল কৰিছে ৰাজধানী এক্সপ্ৰেছ
- সৰ্বভাৰতীয় পৰ্যায়ত উজলি উঠিছে তামুলপুৰ উন্নয়ন খণ্ড-দেশৰ ৫০০টা উন্নয়ন খণ্ডৰ ভিতৰত প্ৰথম স্থান
- মালামাল বয়জৰ ট্ৰেইলাৰ মুকলি- মুক্তিপূৰ্বেই ব্যাপক চৰ্চা
- আন্তৰ্জাতিক ড্ৰাগছ অপব্যৱহাৰ আৰু অবৈধ সৰবৰাহ বিৰোধী দিৱস
- কাঁহিকুছিৰ উদ্যান শস্য গবেষণা কেন্দ্ৰৰ তত্বাবধানত পার্থেনিয়াম সজাগতা অভিযান