তেজপুৰ ডেকাৰগাঁওস্থিত কাৰিকৰী শিক্ষা প্ৰতিষ্ঠান গিৰিজানন্দ চৌধুৰী ইনষ্টিটিউট অৱ মেনেজমেণ্ট এণ্ড টেকন’লজী চমুকৈ জি আই এম টি, তেজপুৰত ৪ নৱেম্বৰ তাৰিখে এখনি কৰ্মশালা অনুষ্ঠিত কৰা হয়। মহাবিদ্যালয়খনৰ সহকাৰী অধ্যাপিকা প্লাৱিতা বৰুৱাই আঁত ধৰা ‘ভৱিষ্যতৰ অভিযন্তা নিৰ্মাণ’ শীৰ্ষক কৰ্মশালাখনি বন্তি প্ৰজ্বলনেৰে শুভ উদ্বোধন কৰে অসমৰ বিশিষ্ট কেৰিয়াৰ পৰামৰ্শদাতা তথা মহাবিদ্যালয় খনৰ অধ্যক্ষ ড° বুলজিৎ বুঢ়াগোহাঁয়ে । কৰ্মশালাখনি জি আই এম টি, তেজপুৰৰ প্ৰশিক্ষণ আৰু সংস্থাপন কেন্দ্ৰৰ ফালৰ পৰা তথা অসম বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ সহযোগত অনুষ্ঠিত কৰা হৈছিল। মুঠ চাৰিটা ভাগত বিভক্ত কৰ্মশালাখনিত সমল ব্যক্তি হিচাপে উপস্থিত থাকে ক্ৰমে তেজপুৰ বিশ্ববিদ্যালয়ৰ শক্তি বিভাগৰ মুৰব্বী ড° দেৱেন্দ্ৰ চন্দ্ৰ বৰুৱা, কাৰিকৰী শিক্ষা সঞ্চালকালয়ৰ প্ৰশিক্ষণ আৰু সংস্থাপন বিষয়া ড° ইন্দ্ৰাণী গগৈ, প্ৰশিক্ষণ ব’ৰ্ডৰ বিশেষ বিষয়া ঋতুৰাজ শইকীয়া আৰু চাচকনেক্ট প্ৰাইভেট লিমিটেড ব্যক্তিগত কোম্পানীৰ প্ৰতিষ্ঠাতা দ্বীপজ্যোতি বৰ্মন। আৰম্ভণিতে সমল ব্যক্তিসকলক একোখন ফুলাম গামোচা আৰু এটা স্মাৰকে আদৰণি জনায় মহাবিদ্যালয়ৰ অধ্যক্ষ ড° বুলজিৎ বুঢ়াগোহাঁয়ে । প্ৰকৃত অভিযন্তাৰ বাবে প্ৰয়োজনীয় গুণ, তেওঁলোকৰ সামাজিক দায়বদ্ধতা, সাম্প্ৰতিক সময়ত কৰ্মসংস্থাপন লাভৰ বাবে ল’বলগীয়া কাৰ্যপদ্ধতি আদি সকলো দিশ সামৰি সমলব্যক্তি সকলে আগবঢ়োৱা ভাষণৰ যোগেদি শিক্ষাৰ্থীসকল যথেষ্ট উপকৃত হোৱা বুলি ছাত্রী বিকশিতা শ্যামে মন্তব্য কৰে আৰু সহকাৰী অধ্যাপিকা কবিতা ডেকাই সকলোকে ধন্যবাদ জ্ঞাপন কৰি কৰ্মশালাৰ সামৰণি ঘোষণা কৰে।
Trending
- এয়াৰটেলৰ গ্ৰাহকৰ বাবে বিশেষ সুবিধা
- সাংসদ গৌৰৱ গগৈৰ দাবীৰ প্ৰতি সঁহাৰি ৰেলৱে বোৰ্ডৰ -ডুমডুমা ৰেলৱে ষ্টেচন পুনৰ মুকলি কৰি যাত্ৰী সংৰক্ষণ ব্যৱস্থা(passenger reservation system) স্থাপনৰ দাবীক মান্যতা
- সদৌ অসম সাংবাদিক সন্থা(আজু)ৰ নগাঁও জিলা সমিতিৰ জিলা আয়ুক্ত দেৱাশীষ শৰ্মাক সম্বৰ্ধনা
- তামুলপুৰত লোন মেলা সম্পন্ন
- মালিগাঁৱত ৰে’লৱেৰ এছচি আৰু এছ টি এম্পলয়িজ এছ’চিয়েচনৰ গ্ৰীষ্মকালীন শিবিৰৰ সামৰণি
- মিডিয়া এছ’চিয়েছন, অসমৰ উদ্যোগত মহীৰূহ সাংবাদিক কনকসেন ডেকাৰ ৯৩ সংখ্যক জন্ম জয়ন্তী পালন
- ডং বান্ধ সন্দৰ্ভত মন্ত্ৰী অশোক সিংহলৰ গুৰুত্বপূর্ণ সভা-ডাঃ ৰবি বড়ো অসামৰিক চিকিৎসালয়ত মন্ত্ৰী অশোক সিংহলৰ আকস্মিক পৰিদৰ্শন
- গুৱাহাটীত সপ্তাহজোৰা অসামৰিক প্ৰশিক্ষণ কাৰ্যসূচীৰ সামৰণি
- কাঁহিকুছিস্থিত গোলাপ বৰবৰা ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত আয়োজিত পঞ্চায়তৰ সভাপতি সকলৰ প্ৰশিক্ষণ কাৰ্যসূচী মুকলি কৰিলে ৰাজ্য চৰকাৰ পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে
- এইচ ডি এফ চি বেংক ‘পৰিৱৰ্তনে দক্ষতা বিকাশ আৰু জীৱিকা প্ৰসাৰ কাৰ্যসূচীৰ অধীনত ৭.২ লাখৰো অধিক যুৱক-যুৱতীক প্ৰশিক্ষণ প্রদান