দক্ষিণ কামৰূপৰ ৰামপুৰ মৌজাৰ বাটৰহাটত অৱস্থিত বন্ধন বেংকৰ কাৰ্যালয়ত আজি সমগ্র অঞ্চলৰ ঋণ লোৱা মহিলাৰ লগত বেংক কৰ্তৃপক্ষৰ এখন সজাগতা সভা অনুষ্ঠিত হয়। অঞ্চলটোৰ সমাজকৰ্মী হেমন্ত কুমাৰ নাথ, ডিম্বেশ্বৰ নাথ, শাখা প্ৰৱন্ধক বিশ্বজ্যোতি কলিতা, ৰামপুৰ শাখাৰ দায়িত্বত থকা নিৰুপমা ডেকাৰ উপস্থিতিত সজাগতা সভাখনত বেংকৰ হৈ এৰিয়া মেনেজাৰ প্ৰণয় ৰয়ে বন্ধন বেংকৰ জনকল্যাণকামী আঁচনিৰ বিষয়ে বক্তব্য ৰাখে। বন্ধন বেংকৰ বৰ্তমান সুতৰ হাৰ ১৭.৯৫ শতাংশলৈ নামি অহাৰ বিষয়েও উপস্থিত ৰাইজক অৱগত কৰায়। সভাত ঋণ লোৱা মহিলাৰ ফালৰপৰা নহিৰাৰ দীপিকা ঠাকুৰীয়া, দখলাৰ নিৰ্মলা শৰ্মা, বৰটাৰীৰ বিজয়া বিবি, জিয়াকুৰৰ পূৰ্ণিমা তালুকদাৰ, সানপাৰাৰ পুতু কলিতাই বন্ধন বেংকৰ জৰিয়তে ঋণ লৈ কিদৰে স্বাৱলম্বী হব পাৰিছে তাৰ বিষয়ে নিজস্ব মন্তব্য দাঙি ধৰে। যিসকল মহিলাই বেংকৰ ঋণ লৈ পৰিশোধ কৰা নাই তেওঁলোকে পৰ্যায়ক্ৰমে আলোচনাৰ মাধ্যমেৰে ঋণ পৰিশোধ কৰিবলৈ আগবাঢ়ি অহাটো উচিত বুলি কৰ্তৃপক্ষৰ ফালৰপৰা আবেদন জনোৱা হয়। সভাত উপস্থিত থকা সাংবাদিক বিমল শৰ্মা, জিতুমনী দাস আৰু প্ৰদীপ দাসক বেংক কৰ্তৃপক্ষই ফুলাম গামোচাৰে আদৰণি জনায়।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন