অসমৰ অস্তিত্ব ৰক্ষা সংগ্ৰামৰ ফলশ্ৰুতিত জন্মলাভ কৰা অসমৰ গৌৰৱক কাৰণ হৈ পৰা তেজপুৰ বিশ্ববিদ্যালয়ে পুনৰ কঢ়িয়াই আনিলে আন এক সাফল্যৰ খবৰ। টাইমচ এডুকেশ্যন হায়াৰ ইউনিভাৰচিটি ৰেংকিঙত এচিয়াৰ শ্ৰেষ্ঠ ১৫০ বিশ্ববিদ্যালয়ৰ ভিতৰত অন্যতম শ্ৰেষ্ঠ বিশ্ববিদ্যালয়ৰূপে পৰিগণিত হৈছে তেজপুৰ বিশ্ববিদ্যালয়। উল্লেখযোগ্য যে এচিয়াৰ মহাদেশৰ ২৪ খন ৰাষ্ট্ৰীয় ৩০০ বিশ্ববিদ্যালয়ৰ ভিতৰত ১৩১ ৰ পৰা ১৪০ স্থানত গৌৰৱেৰে উজ্বলি উঠিছে তেজপুৰ কেন্দ্ৰীয় বিশ্ববিদ্যালয়। এই সন্মান অলংকৃত কৰা দেশৰ আন কেইখন বিশ্ববিদ্যালয় হ’ল ভেংকটেচ বিশ্ববিদ্যালয়, যাদবপুৰ বিশ্ববিদ্যালয়, পঞ্জাৱ বিশ্ববিদ্যালয় আৰু দিল্লী বিশ্ববিদ্যালয়। দেশৰ এই কেইখন আগশাৰীৰ বিশ্ববিদ্যালয়ৰ সম পৰ্যায়ত একে স্থান লাভ কৰিবলৈ সক্ষম হৈছে তেজপুৰ বিশ্ববিদ্যালয়। ইফালে আই আই টি গুয়াহাটীয়ে ১০১ ৰ পৰা ১১০ স্থানৰ ভিতৰত উজ্বলি উঠিবলৈ সক্ষম হয়। গুৱাহাটী আই আই টি আৰু তেজপুৰ বিশ্ববিদ্যালয়ে সমগ্ৰ উত্তৰ পূৰ্বাঞ্চলৰ বাবে শৈক্ষিক জগতৰ এক ইতিবাচক বাৰ্তা কঢ়িয়াই আনিছে। প্ৰণিধানযোগ্য যে উচ্চ শিক্ষানুষ্ঠানৰ লক্ষ্য- উদ্দেশ্য আৰু শৈক্ষিক মানদণ্ডৰ লগতে আন্তঃৰাষ্ট্ৰীয় পৰ্যায়ত শিক্ষানুষ্ঠান খনৰ দৃষ্টিভংগী আৰু ইয়াৰ মানদণ্ডৰ প্ৰতি লক্ষ্য ৰাখি টাইমচ হায়াৰ এডুকেশ্যন ৱল্ড ইনিভাৰচিটি ৰেংকিঙত স্থান লাভ কৰে। স্মৰ্তব্য যে ইয়াৰ পূৰ্বে বিশ্ববিদ্যালয়খনে দেশৰ ২৪ খন কেন্দ্ৰীয় বিশ্ববিদ্যালয়ৰ ভিতৰত শীৰ্ষ স্থানেৰে ৰাষ্ট্ৰপতিৰ ভিজিৰ্টচ এৰ্ৱাড লাভ কৰাৰ লগতে দেশৰ মানৱ সম্পদ উন্নয়ন মন্ত্ৰণালয়ৰ নিৰ্বাচনত দেশৰ সকলো বিশ্ববিদ্যালয়ৰ ভিতৰত পঞ্চম স্থানৰে উজ্বলি উঠিছিল।
Trending
- Maiden ‘Rising Northeast Investors’ Summit’ in Delhi
- অমৃত ভাৰত আঁচনিৰ অধীনত নতুন ৰূপত মধ্য অসমৰ হয়বৰগাওঁ ৰেলৱে ষ্টেচন – ২২ মে’ত ভিডিঅ কনফাৰেৰেন্সি যোগে উদ্ধোধন কৰিব প্ৰধানমন্ত্ৰী নৰেন্দ্ৰ মোদীয়ে
- ঐতিহ্যমণ্ডিত ডিব্ৰুগড় চহৰক বিকাশৰ ৰূপান্তৰৰ জৰিয়তে আটকধুনীয়াকৈ সুসজ্জিত কৰাৰ পোষকতা কেন্দ্ৰীয় মন্ত্ৰী সৰ্বানন্দ সোণোৱালৰ
- বাৰিষাৰ প্ৰতিকূল পৰিস্থিতিত যান-বাহন ব্যৱহাৰকাৰীলৈ সতৰ্কবাণী পৰিবহণ বিভাগৰ
- সাংস্কৃতিক বিভাগৰ অধীনৰ বিভিন্ন বিষয়ৰ সন্দৰ্ভত সাংস্কৃতিক মন্ত্রী বিমল বড়াৰ অধ্যক্ষতাত বৈঠক
- Northeast’s Maritime Future Brightens: Union Minister Announces ₹1,500 Crore Investment in Waterway Projects
- খানামুখত পৰীক্ষিত হালৈৰ প্ৰবন্ধ সংকলন ভিন্নসুৰী উন্মোচন
- Celebration of National Technology Day 2025 at DRL-DRDO, Tezpur
- ৰাজ্যৰ বান ব্যৱস্থাপনা প্ৰস্তুতি সম্পৰ্কত পৰ্যালোচনা কৰিলে অসমৰ মুখ্য সচিবে
- ভাৰতীয় সেনা-পৰিয়ালৰ অসামান্য সেৱাৰ প্ৰতি সন্মান জনাই পৰিবহণৰ বিশেষ জনসেৱা কাৰ্যসূচী আৰম্ভ