মিছন স্মাইলৰ পদক্ষেপ

বিভিন্ন সামাজিক কাম কৰি অহা কেইজনমান পূৱ কামৰূপ মহাবিদ্যালয়ৰ প্ৰাক্তন তথা অধ্যয়নৰত ছাত্র-ছাত্রীসকলৰ শিক্ষাৰ্থীয়ে “মিছন স্মাইল” শীৰ্ষক এক অভিযানৰ জৰিয়তে দেওবাৰে দৰিদ্ৰসকলৰ মাজত গৰম কাপোৰ বিতৰণ কৰে ।উল্লেখ কৰিব পাৰি যে বিভিন্ন সময়ত বিভিন্ন জনক পুৰণি কিন্তু ব্যৱহাৰৰ যোগ্য কাপোৰৰ বাবে আহ্বান জনাই আহিছিল ছাত্ৰ-ছাত্ৰীসকলে। বিভিন্নজনৰ সংগ্ৰহ হোৱা এই কাপোৰসমূহ আঠগাঁও ৰে’ললাইনৰ দুয়োপাৰে থকা বস্তিঅঞ্চলৰ লগতে শুক্ৰেশ্বৰ ঘাটত থকা আৰ্তসকলৰ মাজত দেওবাৰে বিতৰণ কৰে।এই অভিযানত ভাগ লয় পূৱ কামৰূপ মহাবিদ্যালয়ৰ অধ্যাপক ক্ৰমে ড° কমল শৰ্মা আৰু মঃ আয়েজ আলীৰ লগতে মহাবিদ্যালয় ছপাশালৰ কম্পিউটাৰ অপাৰেটৰ নিপজ্যোতি ডেকাৰ লগতে শিক্ষাৰ্থী ক্ৰমে জোনাক প্ৰিয়ম কাশ্যপ, দীপশিখা ডেকা,নয়নমনি ডেকা,আমিনুল হক,জ্ঞানপ্ৰতিম দেৱ শৰ্মা,তৃষ্ণাবড়ো,মধুস্মিতা ডেকা,বৰষা ডেকা,চানচুমা বড়ো,প্ৰিয়ম ডেকাই।