ৰাজ্যৰ ভিতৰত জাকত জিলিকা ঔফুলীয়া গাঁৱৰ কথাৰে

এখন ভিতৰুৱা গাঁও।ডিব্ৰুগড জিলাৰ এই গাঁওখন ভিতৰুৱা যদিও গাঁওখনৰ সৌন্দৰ্য্য চাবলৈ যথেষ্ট পৰ্যটকৰ সমাগম হৈছে।ইয়াৰ মূল কাৰণ কি’ জানেনে?গাঁওখনৰ উদ্যমী যুৱক দীপাংকৰ হাজৰিকাই এমুঠি নৱপ্ৰজন্মক লৈ গাঁওখনৰ উত্তৰণৰ হকে বিভিন্ন ধৰণৰ কাম কৰিছে।জানি সুখী হ’ব যে তেখেতৰ প্ৰচেষ্টাত গাঁওখনত ষ্ট্ৰীট লাইট হৈছে,শিশুসকলৰ মনোৰঞ্জনৰ বাবে এখন উদ্যান প্ৰতিষ্ঠা কৰিছে আৰু ৰাস্তা ঘাটৰ সৌন্দৰ্য্য বৰ্দ্ধনৰ কাৰণে বিভিন্ন প্ৰচেষ্টা হাতত লৈছে।উল্লেখ্যযোগ্য যে ইতিমধ্যে গাঁওখনে স্বচ্ছতাৰ বাবে পুৰস্কাৰ লাভ কৰিবলৈ সক্ষম হৈছে।এইক্ষেত্ৰত সহায় কৰিছে,গাঁওখনৰ মদন হাজৰিকা নামৰ ব্যক্তিজনে।উন্নতমানদণ্ডৰ শৌচালয়,ষ্টেজ নিৰ্মাণৰ পৰা আৰম্ভ কৰি বৰ্তমান পানী যোগানৰ আচঁনিলৈকে সকলো সুবিধা পাবলৈ সক্ষম হৈছে।এন ই ফ’কাচৰ সৈতে হোৱা এক সাক্ষাৎকাৰত দীপাংকৰ হাজৰিকাই কয় যে চিকিম আৰু মেঘালয় ভ্ৰমণ কৰি হোৱা অভিজ্ঞতাৰ ভিত্তিতে আমাৰ গাঁওখন এনেদৰে সজাই তোলো।এতিয়াও বহু কাম কৰিবলৈ বাকী আছে।আশা কৰিছোঁ অহা বছৰৰ জানুৱাৰী মাহত সকলো কাম সম্পূৰ্ণ হৈ উঠিব।আৰু পৰ্যটক সকলেও গাঁওখন চাবলৈ আহিব।স্মৰ্তব্য যে প্ৰথম অৱস্থাত দীপাংকৰ হাজৰিকাই নিজৰ অৰ্থেৰে এই কাম আৰম্ভ কৰিছিল।দীপাংকৰ হাজৰিকাৰ এই পদক্ষেপক সচেতন মহলে শলাগ লৈছে।