লোকসভা নিৰ্বাচন আৰু পঞ্চায়ত নিৰ্বাচনৰ প্ৰতি লক্ষ্য ৰাখি অসম গণ পৰিষদ দলে ব্যাপক সাংগঠনিক তৎপৰতা বৃদ্ধি কৰিছে। আজিৰ ৰাষ্ট্ৰীয় ভোটাৰ দিৱসৰ লগত সংগতি ৰাখি দলটোৱে ৰাজ্যজৰি বুথ সভা অনুষ্ঠিত কৰে। দলৰ সভাপতি অতুল বৰা, কাৰ্য্যকৰী সভাপতি কেশৱ মহন্তকে ধৰি সকলো শীৰ্ষ নেতৃত্বই নিজ নিজ বুথৰ সভাত উপস্থিত থাকে। এক প্ৰেছ বিজ্ঞপ্তিত দলৰ সাধাৰণ সম্পাদক ৰমেন্দ্ৰ নাৰায়ণ কলিতা আৰু মনোজ শইকীয়াই কয় যে, ৰাজ্যখনৰ প্ৰতিটো বিধান সভা সমষ্টিৰে বুথ পৰ্য্যায়ত আজি দলৰ সাংগঠনিক সভাসমূহ অনুষ্ঠিত হয়। এই সাংগঠনিক সভাৰ জৰিয়তে নিৰ্বাচন কেন্দ্ৰীক তৎতপৰতা বৃদ্ধি কৰাৰ লগতে তৃণমূল পৰ্য্যায়ৰ পৰা দলীয় সংগঠন শক্তি কৰাৰ ওপৰত বিষদ ভাৱে আলোচনা কৰা হয়। বুথ সভাসমূহৰ জৰিয়তে জনসাধাৰণ তথা ভোটাৰৰ লগত প্ৰত্যক্ষ সম্পৰ্ক গঢ়ি তোলাৰ বাবে কাৰ্য্যসূচীও গ্ৰহণ কৰা হয়। বুথ সভাসমূহত দলীয় বিষয়ববীয়া আৰু সদস্যসকলৰ উপৰিও আঞ্চলিকতাবাদত বিশ্বাসী বহু লোকে অংশ গ্ৰহণ কৰে। সভাপতি তথা মন্ত্ৰী অতুল বৰাই বোকাখাতৰ নিজৰ বুথত উপস্থিত থকাৰ লগতে, কাৰ্য্যকৰী সভাপতি কেশৱ মহন্তই কলিয়াবৰৰ নিজৰ বুথৰ সভাত অংশ গ্ৰহণ কৰে। অনুৰূপ ধৰণে দলৰ বিধায়কসকল, সাংসদ, প্ৰাক্তন সাংসদ, প্ৰাক্তন বিধায়ক, নিগম নিকায়সমূহৰ অধ্যক্ষ-উপাধ্যক্ষ সকলৰ লগতে পৌৰ নিগম, পৌৰ সভা আৰু পঞ্চায়তৰ নিৰ্বাচিত প্ৰতিনিধিসকল আৰু কেন্দ্ৰীয় সমিতি, জিলা পৰিষদ, বিধান পৰিষদ, ভাতৃ-ভগ্নী সংগঠনৰ বিষয়ববীয়াসকলেও নিজৰ নিজৰ বুথৰ এই সভাত উপস্থিত থাকে।
Trending
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন