দেশৰ ৭৬ সংখ্যক স্বাধীনতা দিৱসৰ সৈতে সংগতি ৰাখি উদযাপিত আজাদী কা অমৃত মহোৎসৱ উপলক্ষে মহানগৰীৰ লংকেশ্বৰস্থিত অসম শিক্ষক প্ৰশিক্ষণ মহাবিদ্যালয় কৰ্তৃপক্ষই আজি স্থানীয় লংকেশ্বৰ-গাড়ীগাওঁ অঞ্চলটোৰ ঘৰে ঘৰে গৈ জনসাধাৰণৰ মাজত সজাগত সৃষ্টি কৰাৰ লগতে ঘৰে-ঘৰে ত্ৰিৰংগা কাৰ্যসূচী উদযাপন কৰে । এই উপলক্ষে আজি গাড়ীগাঁৱৰ কেইবাগৰাকীও প্ৰবীণ নাগৰিকৰ স্ব-গৃহলৈ গৈ স্বাধীনতা দিৱসৰ শুভেচ্ছা জ্ঞাপন কৰাৰ লগতে জাতীয় পতাকা আৰু বন্দে মাতৰম বেজ প্ৰদান কৰে । মহাবিদ্যালয় কৰ্তৃপক্ষৰ হৈ ক্ৰমে ৰঞ্জন পাটোৱাৰী , পলাশ জ্যোতি বৰুৱা , গৌতম ঠাকুৰীয়া , নৱজ্যোতি শৰ্মা, দীপক মেধি আৰু দেৱেশ দাসে প্ৰবীণ নাগৰিক অভিযন্তা-চিত্ৰশিল্পী নাৰায়ণ দাস , সাহিত্যিক নৰেন দাস, সঙ্গীতশিল্পী ভোলাৰাম দাস , শিক্ষাবিদ ড০ ধীৰেন্দ্ৰ নাথ দাস আৰু সৰোবালা দাসক মহাবিদ্যালয়ৰ তৰফৰ পৰা সম্ভাষণ জনোৱা হয়।
