গুৱাহাটী বিশ্ববিদ্যালয়ত ৰাষ্ট্ৰীয় সেৱা আঁচনিৰ কোষৰ উদ্যোগত আৰু এন এছ এছৰ উত্তৰ পূব মণ্ডল আঞ্চলিক সঞ্চালকালয়ৰ সহযোগত গুৱাহাটী বিশ্ববিদ্যালয় চৌহদত ৮ জানুৱাৰীপৰা পাঁচদিনীয়া কাৰ্যসূচীৰে আৰম্ভ হৈছে সদৌ অসম আন্তঃবিশ্ববিদ্যালয় এন এছ এছ শিবিৰ।শিবিৰত গুৱাহাটী বিশ্ববিদ্যালয়ৰ উপৰি ডিব্ৰুগড় বিশ্ববিদ্যালয়,বড়োলেণ্ড বিশ্ববিদ্যালয়,অসম কৃষি বিশ্ববিদ্যালয়,তেজপুৰ বিশ্ববিদ্যালয়,অসম ডাউন টাউন বিশ্ববিদ্যালয় আৰু আচাম ইন্সটিটিউট অব নাৰ্ছিঙৰ ২০০ গৰাকী এন এছ এছ স্বেচ্ছাসেৱকে ভাগ লয়।৮ জানুৱাৰীৰ দিনা ফণীধৰ দত্ত সভাগৃহত অনুষ্ঠিত এক গাম্ভীৰ্যপূৰ্ণ অনুষ্ঠানত পাঁচদিনীয়া শিবিৰ উদ্বোধন কৰে ভট্টদেৱ বিশ্ববিদ্যালয়ৰ উপাচাৰ্য অধ্যাপক বিৰিঞ্চি কুমাৰ দাসে।এই উপলক্ষে গুৱাহাটী বিশ্ববিদ্যালয়ৰ এন এছ এছ কোষৰ কাৰ্যসূচী সমন্বয়ক ড০ ৰঞ্জন কুমাৰ কাকতিৰ আদৰণি ভাষণৰে শুভাৰম্ভ হোৱা অনুষ্ঠানটোত মুখ্য অতিথি হিচাপে ভাগ লৈ অধ্যাপক বিৰিঞ্চি কুমাৰ দাসে এনে ধৰণৰ শিবিৰৰ জৰিয়তে এন এছ এছৰ স্বেচ্ছাসেৱক সকলৰ পাৰস্পৰিক ভাব-বিনিময় শক্তিশালী হ’ব বুলি ব্যক্ত কৰে।অনুষ্ঠানত এন এছ এছৰ উত্তৰ পূব মণ্ডলৰ কেন্দ্রীয় সঞ্চালক দীপক কুমাৰে বিশিষ্ট অতিথি হিচাপে ভাগ লৈ শিবিৰৰ লক্ষ্য আৰু উদ্দেশ্যৰ ওপৰত আলোকপাত কৰে।অনুষ্ঠানত অতিথি হিচাপে গুৱাহাটী বিশ্ববিদ্যালয়ৰ পঞ্জীয়ক ড০ হেমন্ত কুমাৰ নাথ,আমন্ত্রিত অতিথি হিচাপে বিশ্ববিদ্যালয়ৰ শ্ৰেণীসমূহৰ সচিব ড০ দিলীপ বৰুৱা আৰু এন এছ এছৰ উত্তৰ পূব মণ্ডলৰ প্ৰাক্তন কেন্দ্রীয় সঞ্চালক সুনীল বসুমতাৰী উপস্থিত থাকে।আনহাতে ২২ জানুৱাৰীত সামৰণি পৰিবলগীয়া শিবিৰত এন এছ এছৰ স্বেচ্ছাসেৱক সকলক শান্তি আৰু ৰাষ্ট্ৰীয়তাবাদ,দক্ষতা বিকাশ,ব্যক্তিত্ব বিকাশ আৰু কেৰিয়াৰ গঢ়াকে ধৰি বিভিন্ন বিষয়ৰ প্ৰশিক্ষণ প্ৰদান কৰা হৈছে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে