কামৰূপ মহানগৰ জিলাত ভোটগণনাত নিয়োজিত বিষয়া-কৰ্মচাৰীৰ প্ৰশিক্ষণ

যোৱা ৭ মে’ত অনুষ্ঠিত হৈ যোৱা গুৱাহাটী লোকসভা সমষ্টিৰ নিৰ্বাচনৰ ভোটগণনা অহা ৪ জুনত কৰা হ’ব। কামৰূপ মহানগৰ নিৰ্বাচনী জিলাৰ ভোট গণনা প্ৰক্ৰিয়া গুৱাহাটীৰ মণিৰাম দেৱান ট্ৰেড চেণ্টাৰত অনুষ্ঠিত হ’ব। উক্ত ভোট গণনা প্ৰক্ৰিয়াত জড়িত সকলো পৰ্যায়ৰ বিষয়া-কৰ্মচাৰীৰ প্ৰশিক্ষণ আজিৰে পৰা দিছপুৰস্থিত লোকনিৰ্মাণ বিভাগৰ সন্মিলন আৰু প্ৰশিক্ষণ কেন্দ্ৰত অনুষ্ঠিত হৈছে।গণনা তত্বাৱধায়ক,গণনা সহায়ক ,মাইক্ৰ অৱজাৰভাৰ,পোষ্টেল বেলট গণনাত নিয়োজিত বিষয়া-কৰ্মচাৰী, টেবুলেচন আৰু কম্পাইলচনত জড়িত সকলক প্ৰশিক্ষণ প্ৰদানৰ ব্যবস্হা কৰা হৈছে। এই প্ৰশিক্ষণ অহা ১ জুনলৈকে অব্যাহত থাকিব আৰু পৰৱৰ্তী দিনত কামৰূপ মহানগৰ জিলা আয়ুক্তৰ সভাকক্ষতো অনুষ্ঠিত হ’ব।