আন্তৰ্জাতিক নাৰী দিৱসৰ লগত সংগতি ৰাখি হাৰ্ট কেয়াৰ চচাইটি অসমৰ উদ্যোগত খানাপাৰাস্থিত ভিভান্টাৰ আতিথ্য আৰু সহযোগত যোৱা ১১ মাৰ্চত হোটেল ভিভান্টাৰ প্ৰেক্ষাগৃহত নাৰীৰ হৃদযন্ত্ৰীৰ সমস্যা, প্ৰতিৰোধ আৰু পৰিচৰ্যা বিষয়ক এখনি সজাগতা সভা অনুষ্ঠিত হৈ যায়। হাৰ্ট কেয়াৰ চচাইটিৰ প্ৰতিষ্ঠাক সভাপতি বিশিষ্ট হৃদৰোগ বিশেষজ্ঞ ডা: নিৰ্মল কান্তি ভট্টাচাৰ্য্যৰ পৌৰোহিত্যত অনুষ্ঠিত হোৱা সভাখনিত কেন্দ্ৰীয় উপসভাপতি ম: ইক্ৰামূল মজিদ, হাৰ্টকেয়াৰ চচাইটি গুৱাহাটীৰ সভাপতি জি.এম.শ্ৰীবাস্তৱ, সমন্বয়ক তাপস ৰঞ্জন চৌধুৰী, কাৰ্যকৰী সদস্য মুকুল নাৰায়ণ বৰ্মনৰ, নিলাক্ষী গোস্বামী বৰুৱা, ড°শিখা বেজবৰুৱা গোস্বামীৰ ওপৰিও বহুকেইজন আমন্ত্ৰিত চিকিৎসক বিশেষজ্ঞ, বিশিষ্ট ব্যক্তি আৰু ভিভান্টাৰ বিষয়া-কৰ্মচাৰীবৃন্দ উপস্থিত থাকে। অনুষ্ঠানটিৰ ব্যৱস্থাপনাৰ দায়িত্বত থকা সক্ৰিয় সদস্যা পাৰমিতা নাগ দেয়ে এটি গীতেৰে শুভাৰম্ভ কৰাৰ লগতে সভাৰ আঁতধৰে। সভাখনিত মুখ্য অতিথিৰ আসন শুৱনি কৰে অসম চৰকাৰৰ অৱসৰপ্ৰাপ্ত প্ৰশাসনিক বিষয়া মাধুৰীমা বৰুৱা সেন আৰু গুৱাহাটী চিকিৎসা মহাবিদ্যালয়ৰ অধ্যক্ষ ডা:এ.চি.বৈশ্যই। ভিভান্টাৰ জেনেৰেল মেনেজাৰ জয়ন্ত দাসে আৰম্ভণি ভাষনেৰে সমাগত সকলোকে সম্ভাষণ জনায়।ডা: নিৰ্মলকান্তি ভট্টাচাৰ্যই প্ৰজেক্টৰৰ জৰিয়তে নাৰী আৰু পুৰুষৰ হাৰ্টৰ তুলনামূলকভাৱে সমস্যা, সমাধান, যতন আদিৰ বিশদ বৰ্ণনা কৰে। অনুষ্ঠানটিৰ আন এক গুৰুত্বপূৰ্ণ কাৰ্যসূচী বিশেষজ্ঞৰ প্ৰশ্নোত্তৰ শিতানলৈ আমন্ত্ৰণ কৰি অনা গুৱাহাটী এপল’ হস্পিতালৰ বিশিষ্ট মধুমেহ বিশেষজ্ঞা ডা: নিলাক্ষী ডেকা, ইনটাৰনেচনেল হস্পিতালৰ হৃদৰোগ বিশেষজ্ঞ ডা: ৰিতুপৰ্ণ বৰুৱা, প্ৰতিষ্ঠিত মনোৰোগ বিশেষজ্ঞা লইয়া আগৰৱালৰ পৰামৰ্শমূলক আলোচনাই সকলোকে উপকৃত কৰে। সভাৰ শেষত হাৰ্ট কেয়াৰ চচাইটি,অসমৰ মহিলা গোটৰ কোষাধ্যক্ষা কবিতা শইকীয়াই সকলোলৈ সুন্দৰভাৰে শলাগৰ শৰাই আগবঢ়ায়। উল্লেখ্য যে হাৰ্টকেয়াৰ চছাইটি অসমৰ অন্তৰ্গত অমেন ফৰামৰ সম্পাদিকা নিলাক্ষী গোস্বামী বৰুৱাৰ তৎপৰতাত যোৱা ৮ মাৰ্চ, আন্তৰ্জাতিক নাৰী দিৱসৰ দিনাও চান্দৰাৰীস্থিত আৰবান বিটচত এখনি সজাগতা সভা অনুষ্ঠিত হৈ যায়। সাম্প্ৰতিক সময়ৰ সমগ্ৰ বিশ্ববাসীৰ গুৰুতৰ শাৰিৰীক প্ৰত্যাহ্বান হাৰ্টৰ সমস্যাৰ বিপৰীতে সুৰক্ষা আৰু পৰিচৰ্যাৰ স্বাৰ্থত হাৰ্ট কেয়াৰ চচাইটি অসমৰ এনেধৰণৰ সজাগতামূলক পদক্ষেপ প্ৰকৃততেই প্ৰশংসনীয়।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ