গুৱাহাটী প্ৰেছ ক্লাবত যুৱ কবি জোনাক প্ৰতীম বৰঠাকুৰৰ কবিতা পুথি ‘মায়া’ উন্মোচন

ৰাজ্যৰ এজন প্ৰতিভাবান যুৱ কবি জোনাক প্ৰতীম বৰঠাকুৰৰ কবিতা পুথি “মায়া” আজি বিয়লি গুৱাহাটী প্ৰেছ ক্লাবত আয়োজিত এক অনুষ্ঠানত উন্মোচন কৰা হয় কবিতা পুথিখন উন্মোচন কৰে সাহিত্য একাডেমী বঁটা প্ৰাপক বিশিষ্ট ঔপন্যাসিক জয়ন্ত মাধৱ বৰাই । উল্লেখ্য যে সমন্বয় প্ৰকাশনে প্ৰকাশ কৰি উলিওৱা আৰু হাট্ৰথ্ৰব জুবিন গাৰ্গৰ শ্ৰদ্ধাঞ্জলি অনুষ্ঠানেৰে আৰম্ভ অনুষ্ঠানত বিশিষ্ট সাহিত্যিক তথা গুৱাহাটী বিশ্ববিদ্যালয়ৰ অধ্যাপক কিশোৰ মোহন ভট্টাচাৰ্য , বিশিষ্ট যুৱ সাহিত্যিক তথা যুৱ সাহিত্য অকাডেমি বঁটা প্ৰাপক জিন্টো গীতাৰ্থ , এন ই ভাৰত নিউজ চেনেলৰ জ্যেষ্ঠ সাংবাদিক দিগন্ত কুমাৰ নাথকে ধৰি ৰাজ্যৰ বিভিন্ন প্ৰান্তৰ পৰা কেবাগৰাকীও জ্যেষ্ঠ সাংবাদিক আৰু সাহিত্যিক উপস্থিত থাকি ভাষণ প্ৰসংগত যুৱ কবি জোনাক প্ৰতীম বৰঠাকুৰৰ কবি প্ৰতিভাৰ উচ্চ প্ৰশংসা কৰি কবিতা পুথিখন কাব্যপ্ৰেমী ৰাইজে আদৰি লব বুলি আশা ব্যক্ত কৰে । অনুষ্ঠানত কবি জোনাক প্ৰতীম বৰঠাকুৰে কবিতা পুথিখন সন্দৰ্ভত নিজৰ অভিজ্ঞতা আৰু অনুভৱ ব্যক্ত কৰে।