বডোফা উপেন্দ্ৰনাথ ব্ৰহ্মৰ জন্ম দিৱসটি ছাত্ৰ দিৱস হিচাপে সোমবাৰে গুৱাহাটী বিশ্ববিদ্যালয় আৰু বিশ্ববিদ্যালয় এন এছ এছ কোষে এক ৱেবিনাৰৰ জৰিয়তে ছাত্ৰ দিৱস উদযাপন কৰে। ৱেবিনাৰখন উদ্ধোধন কৰি গুৱাহাটী বিশ্ববিদ্যালয়ৰ পঞ্জীয়ক অধ্যাপক উৎপল শৰ্মাই সমাজলৈ ব্ৰহ্মৰ অমূল্য অৱদান, বিশেষকৈ তেওঁৰ বিদ্বান আৰু নেতৃত্বৰ প্ৰচেষ্টাৰ ওপৰত আলোকপাত কৰে। ৱেবিনাৰত ভাগ লোৱা সকলক আদৰণি জনাই গুৱাহাটী বিশ্ববিদ্যালয়ৰ ছাত্ৰকল্যাণ সঞ্চালক ড০ ৰঞ্জন কুমাৰ কাকতিয়ে চমু ভাষণত ব্ৰহ্মৰ দূৰদৰ্শী নেতৃত্ব আৰু বড়ো সম্প্ৰদায়ক আন্তঃৰাষ্ট্ৰীয় ক্ষেত্ৰত উন্নীত কৰাত তেওঁৰ উল্লেখযোগ্য ভূমিকাৰ ওপৰত গুৰুত্ব আৰোপ কৰে। পদ্মশ্ৰী বঁটা প্ৰাপক গুৱাহাটী বিশ্ববিদ্যালয়ৰ লোকসংস্কৃতি অধ্যয়ন বিভাগৰ মুৰব্বী অধ্যাপক অনিল কুমাৰ বড়োৱে ব্ৰহ্মৰ সংগ্ৰাম আৰু সদৌ বড়ো ছাত্ৰ সন্থা (এবছু)ৰ নেতৃত্ব দিয়াৰ ক্ষেত্ৰত তেওঁৰ উল্লেখযোগ্য যাত্ৰাৰ ওপৰত আলোকপাত কৰি মূল ভাষণ প্ৰদান কৰি ছাত্ৰ দিৱস পালনৰ জৰিয়তে ব্ৰহ্মক সন্মান জনোৱাৰ বাবে অসম চৰকাৰৰ শলাগ লয়। অনুষ্ঠানত অধ্যাপক অধ্যাপিকা ,এন এছ এছৰ স্বেচ্ছাসেৱক, আৰু বিভিন্ন মহাবিদ্যালয়ৰ ছাত্ৰ-ছাত্ৰী প্ৰায় ১০০ জনে ভাগ লৈ বডোফা উপেন্দ্ৰনাথ ব্ৰহ্মৰ প্ৰতি সামূহিক শ্ৰদ্ধাঞ্জলি জ্ঞাপন কৰে । এন এছ এছ গোটৰ কাৰ্যসূচী বিষয়া ডঃ ঋতুপৰ্ণ বৰাৰ ধন্যবাদ জ্ঞাপনেৰে ৱেবিনাৰৰ সামৰণি পৰে।
Trending
- ৰাজধানী নতুন দিল্লীত কেন্দ্ৰীয় গৃহ মন্ত্ৰী অমিত শ্বাহৰ বড়োফা উপেন্দ্ৰনাথ ব্ৰহ্মৰ নামত পথ আৰু প্ৰতিমূৰ্তি মুকলি
- Rubber Board of India, ATMA chairman visit rubber nursery in Jirang
- উচ্চতৰ মাধ্যমিকৰ চূড়ান্ত পৰীক্ষাত কৃষ্ণকান্ত সন্দিকৈ চৰকাৰী সংস্কৃত মহাবিদ্যালয়ৰ এশ শতাংশ পৰীক্ষাৰ্থী উত্তীৰ্ণ
- পশ্চিম গুৱাহাটী মহাবিদ্যালয়ত মামণি ৰয়ছম গোস্বামী অধ্যয়ন কেন্দ্ৰ মুকলি
- ব’হাগত বিহুৰ মঞ্চত পৰিবহণ বিভাগৰ পথ-সুৰক্ষা সজাগতা অব্যাহত
- বডোফা উপেন্দ্র নাথ ব্ৰহ্মৰ নামেৰে নামকৰণ হ’ব দক্ষিণ দিল্লীৰ লালা লাজপত ৰায় মাৰ্গ
- অসম সাহিত্য সভাৰ ‘যুৱ সংসদ’ উপ-সভাপতি মনোনীত বিশিষ্ট সাহিত্যিক, লেখক, সাংবাদিক মন্টু শইকীয়াক
- অসম সহ উত্তৰ পূবৰ তিনিখন ৰাজ্যত প্ৰাকৃতিক দুৰ্যোগত আক্ৰান্ত লোকক উদ্ধাৰৰ বাবে সাজু এন ডি আৰ এফৰ ১৮ টা দলৰ ৫৫০ জন প্ৰশিক্ষিত উদ্ধাৰকাৰী
- কামৰূপ(ম)ত বেলট বাকচ আৰু পলিং বিষয়াৰ ৰেণ্ডমাইজেশ্বন সম্পন্ন
- এয়াৰটেলে আন্তঃৰাষ্ট্ৰীয় ৰোমিং অভিজ্ঞতা সংস্কাৰৰ নতুন পৰিকল্পনা ঘোষণা