অহা ৭ মে’ ত অনুষ্ঠিতব্য ৫ নং গুৱাহাটী লোকসভা সমষ্টিৰ নিৰ্বাচনৰ সাধাৰণ পৰ্যবেক্ষক ভাৰতীয় প্ৰশাসনিক সেৱাৰ বিষয়া কেশৱ সিংঘানিয়াৰ সৈতে আজি সুক্ষ্ম পৰ্যবেক্ষকসকলৰ এখন পৰ্যালোচনা সভা অনুষ্ঠিত হয়। মহানগৰীৰ দিছপুৰস্থিত লোকনিৰ্মাণ বিভাগৰ সন্মিলন আৰু প্ৰশিক্ষণ কেন্দ্ৰত অনুষ্ঠিত এই সভাত গুৱাহাটী লোকসভা সমষ্টিৰ অন্তৰ্গত দহটা বিধানসভা সমষ্টিৰ বাবে নিয়োগ কৰা সুক্ষ্ম পৰ্যবেক্ষকসকল উপস্থিত থাকে। উল্লেখযোগ্য যে গুৱাহাটী লোকসভা সমষ্টিত কামৰূপ মহানগৰ জিলাৰ ৫ টা, কামৰূপ জিলাৰ ৩ টা আৰু গোৱালপাৰা জিলাৰ ২ টা বিধানসভা সমষ্টি অন্তৰ্ভুক্ত হৈ আছে। আজিৰ পৰ্যালোচনা সভাত সাধাৰণ পৰ্যবেক্ষক কেশৱ সিংঘানিয়াই সুক্ষ্ম পৰ্যবেক্ষক সকলক নিৰ্বাচন প্ৰক্ৰিয়াত তেওঁলোকৰ দায়িত্ব আৰু কৰ্তব্যৰ বিষয়ে সবিশেষ ব্যাখ্যা দাঙি ধৰে। নিৰ্বাচন আয়োগৰ সকলো নীতি নিৰ্দেশনা মানি স্বচ্ছ আৰু নিকা নিৰ্বাচন অনুষ্ঠিত কৰাৰ স্বাৰ্থত নৈতিকতা আৰু সততাৰে নিজৰ কৰ্তব্য পালন কৰি যাবলৈ সাধাৰণ পৰ্যবেক্ষক গৰাকীয়ে সুক্ষ্ম পৰ্যবেক্ষক সকলক আহ্বান জনায়। সভাত কামৰূপ মহানগৰ জিলাৰ অতিৰিক্ত আয়ুক্ত অজিত শৰ্মা তথা জিলা আয়ুক্ত কাৰ্যালয়ৰ বিষয়া কৰ্মচাৰী সকল উপস্থিত থাকে।
Trending
- মেঘালয়ত প্ৰথম বাৰৰ বাবে জনজাতি মহিলা আৰক্ষী প্ৰধানৰ নিযুক্তি
- মিৰ্জা ইউনিক কালাৰ নামৰ অত্যাধুনিক পাৰ্লাৰ মুকলি
- কাঁন চলচ্চিত্ৰ মহোৎসৱ ২০২৪ত প্ৰদৰ্শিত হ’ব অসমত নিৰ্মিত হিন্দী বোলছবি ‘কুকি’
- তিতাবৰত ১১, ১২ মে’ত সপ্তম সদৌ অসম পেনচাক ছিলাট চেম্পিয়নশ্বিপ
- তথ্যচিত্ৰত উদ্ভাসিত হ’ব শতিকা প্ৰাচীন ফাটবিহু
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল