জাগ্ৰত যুৱ সমাজৰ পদক্ষেপে উৎসাহিত কৰিছে বহু জনক

ঘৰৰ ছাদত সহজ পদ্ধতিৰে জৈৱিক কৃষি কৰাৰ বাবে নগৰীয়া সমাজক উৎসাহিত কৰাৰ লক্ষ্যৰে বেচৰকাৰী সংস্থা জাগ্ৰত যুৱ সমাজে আৰম্ভ কৰা শস্য ৰোপণ কাৰ্যসূচী অব্যাহত ৰাখিছে। যোৱা এটা পষেক ধৰি সংগঠনটোৰ বিষয়ববীয়াসকলে স্থানীয় নাগৰিকৰ ঘৰৰ ছাদত এই কাৰ্যসূচী ৰূপায়ণ কৰি আছে। ইয়াৰ অংশ হিচাপে অলপতে বেলতলা বনগাঁও নিৱাসী দিগন্ত কলিতা প্ৰাণজিৎ ডেকা,খনিন্দ্ৰ বেজবৰুৱা বাসগৃহত এই কাৰ্যসূচী ৰূপায়ণ কৰে।এই কাৰ্যসূচীত জাগ্ৰত যুৱ সমাজৰ সভাপতি সুশান্ত বিশ্বাস, উপ সভাপতি সুশীল দাস, নিখিল দাস, সাধাৰণ সম্পাদক হেমন্ত ডেকা, সদস্য ডাঃ মিণ্টু লাহন, সঞ্জীৱ বৰা, পংকজ ডেকা আদিয়ে অংশগ্ৰহণ কৰে।