দক্ষিণ কামৰূপৰ পলাশবাৰী ৰাজহ চক্ৰৰ অধীনৰ বৰিহাটস্থিত বেলিকিডছ এডুকেয়াৰ নামৰ প্ৰাক প্ৰাথমিক শৈক্ষিক প্ৰতিষ্ঠানটোৱে ১২ এপ্ৰিলৰ পৰা ১৯ এপ্ৰিললৈ বাৰ্ষিক বিদ্যালয় সপ্তাহ অনুষ্ঠিত কৰাৰ লগতে কণ কণ মইনা,শিক্ষক অভিভাৱক আৰু স্থানীয় ৰাইজৰ সহযোগিতাত বিদ্যালয় সপ্তাহৰ সামৰণিৰ লগতে উদযাপন কৰে বেলি বসন্ত উৎসৱ । বিদ্যালয় সপ্তাহ উপলক্ষে আয়োজিত বেলি বিকাশ সপ্তাহ শীৰ্ষক এলানি অনুষ্ঠানৰ অধীনত খেল-ধেমালি,বৌদ্ধিক , সাহিত্যিক আৰু ভাষাগত বিকাশৰ বাবে আকস্মিক বক্তৃতা,দলীয় কুইজ,আবৃত্তি প্ৰতিযোগিতা, সাংস্কৃতিক আৰু সামাজিক বিকাশৰ বাবে গান,অভিনয়,বিহুনাচ, বিহুগীত আদিৰ প্ৰতিযোগিতা অনুষ্ঠিত হৈ যায় ।বিভিন্ন শিতানত পাৰদৰ্শিতা প্ৰদৰ্শন কৰা মুঠ ৪৭ গৰাকী মইনাক ১৯ এপ্ৰিলত বঁটা আৰু মানপত্ৰ প্ৰদান কৰাৰ লগতে অংশগ্ৰহণ কৰা প্ৰতিগৰাকী মইনাকেই পুৰস্কৃত কৰা হয় ।এই উপলক্ষে আয়োজিত অনুষ্ঠানত উপস্থিত থাকে অৱসৰপ্ৰাপ্ত প্ৰধান শিক্ষক তথা নৱাৰুণ সাহিত্য সভা,আমৰাঙা বৰিহাটৰ প্ৰাক্তন উপ সভাপতি কৰুণা কান্ত মহন্তৰ লগতে আমৰাঙ্গা বৰিহাট উচ্চতৰ মাধ্যমিক বিদ্যালয়ৰ অৱসৰপ্ৰাপ্ত কৰ্মচাৰী নাৰায়ণ চন্দ্ৰ দাস ।অনুষ্ঠানৰ আৰম্ভণিতেই প্ৰতিষ্ঠানখনৰ সকলো মইনাৰ লগতে শিক্ষক-অভিভাৱক সমাজে উক্ত বিশিষ্ট ব্যক্তি দুগৰাকীৰ চৰণ স্পৰ্শ কৰি আশীৰ্বাদ গ্ৰহণ কৰে ।আজিৰ অনুষ্ঠানটি বেলিকিডছ এডুকেয়াৰৰ কণ-কণ মইনাসকলৰ বিহুগীত আৰু বিহুনাচেৰে মুখৰিত হৈ পৰে ।অনুষ্ঠানটিত বেলিকিডছৰ সঞ্চালক ৰত্ন দাসৰ লগতে পৰিচালন সঞ্চালক মীনাক্ষী চৌধুৰী উপস্থিত থাকি উপস্থিত ৰাইজ তথা অভিভাৱকৰ সহযোগিতাৰ বাবে সদৌটিকে ধন্যবাদ জ্ঞাপন কৰে ।অনুষ্ঠানটি পৰিচালনা কৰে বেলিকিডছৰ অংশকালীন শিক্ষয়িত্ৰী তথা ঘোষিকা শিখাৰাণী ঠাকুৰীয়াই ।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান