ভাৰতৰ প্ৰধানমন্ত্ৰী নৰেন্দ্ৰ মোডী,কেন্দ্রীয় পথ পৰিবহন মন্ত্রী নিতীন গাডকাৰীয়ে দেশত পথ দুৰ্ঘটনাত উদ্বেগ প্ৰকাশ কৰি উদ্ধতম দুৰ্ঘটনাৰ সংখ্যা হ্ৰাস কৰি মানৱ সম্পদ কেনেকৈ ৰক্ষা কৰিব পাৰি তাৰ বাবে দেশৰ সকলো ৰাজ্য আৰু কেন্দ্রীয় শাসিত অঞ্চল সমূহৰ সংশ্লিষ্ট বিভাগ সমূহক আহ্বান জনাইছে।সমান্তৰালভাৱে অসমৰ মুখ্যমন্ত্ৰী সৰ্বানন্দ সোণোৱাল আৰু পৰিবহন মন্ত্রী চন্দ্রমোহন পাটোৱাৰীয়েও ৰাজ্যত বৰ্ধিত পথ দুৰ্ঘটনাত উদ্বেগ প্ৰকাশ কৰি পৰিবহন বিভাগক দুৰ্ঘটনা ৰোধ আৰু ৰাইজক এই দিশত সজাগ কৰাৰ বাবে হাতে কামে নামি পৰিবলৈ নিৰ্দেশ জাৰি কৰিছে।সেই নিৰ্দেশৰ ভিত্তিত প্ৰথমবাৰৰ বাবে গুৱাহাটী সংসদীয় সমষ্টিত লোকসভা সমষ্টি ভিত্তিত ১৮ জানুৱাৰীৰ পৰা পথ সুৰক্ষা কাৰ্যসূচী আৰম্ভ কৰা হৈছে।১৮ জানুৱাৰীত গুৱাহাটীৰ পাৰ্শ্বৱৰ্তী আমিনগাঁওস্থিত কামৰূপ জিলাৰ উপাধ্যক্ষৰ কাৰ্যালয়ৰ সভাগৃহত আয়োজিত এক গাম্ভীর্যপূৰ্ণ অনুষ্ঠানত সাংসদ কুইন ওজাই সংসদীয় সমষ্টি ভিত্তিত পথ সুৰক্ষা সজাগতা কাৰ্যসূচীৰ শুভাৰম্ভ কৰে।এই উপলক্ষে অনুষ্ঠিত সভাখনত ৰাইজৰ মাজত পথ সুৰক্ষাৰ দিশত সজাগতা সৃষ্টিৰ লগতে সমান্তৰালভাৱে বিলুপ্তপ্ৰায় হাড়গিলা সংৰক্ষণৰ বাবে হাড়গিলা চৰাইক প্ৰতীক চিহ্ন ৰূপে গ্রহণ কৰা হয়।হাড়গিলা চৰাইৰ প্ৰতীক চিহ্ন মুকলি কৰে সাংসদ কুইন ওজাই।আনহাতে কামৰূপ জিলাৰ উপায়ুক্ত তথা গুৱাহাটী সংসদীয় পথ সুৰক্ষা সমিতিৰ সদস্য সচিব কমল কুমাৰ বৈশ্যৰ আদৰণি ভাষণৰে শুভাৰম্ভ হোৱা সভাখনত কুইন ওজাই বৰ্ধিত পথ দুৰ্ঘটনা আৰু দুৰ্ঘটনাত যুৱ প্ৰজন্ম নিহত আহত হোৱা বিষয়টোত গভীৰ উদ্বেগ প্ৰকাশ কৰি পথ সুৰক্ষাৰ দিশত দীৰ্ঘদিন ধৰি কাম কৰি অহা বাবে জিলা পৰিষদৰ বিষয়া গৌতম দাসক শলাগ লয়।জিলা পৰিবহন বিষয়া গৌতম দাসে আঁত ধৰা সভাখনত অতিৰিক্ত উপায়ুক্ত সত্যজ্যোতি বৰুৱা,ৰঙিয়াৰ মহকুমাধিপতি মনিন্দ্র বৰদলৈ,কামৰূপ জিলাৰ আৰক্ষী অধীক্ষক পাৰ্থসাৰথি মহন্ত,বিদ্যালয় সমূহৰ পৰিদৰ্শক প্ৰসন্ন বৰা,জিলা প্ৰাথমিক শিক্ষা বিষয়া অপূৰ্ব ঠাকুৰীয়া,চিলাৰ আঞ্চলিক বন বিষয়া ৰঞ্জিত দত্ত,হাড়গিলা সংৰক্ষণৰ বাবে গ্রীণ অস্কাৰ বঁটা বিজয়ী ড০ পূৰ্ণিমা দেৱী বৰ্মন,অভিযন্তা কল্যাণ বৰদলৈকে ধৰি গড়কাপ্তানী বিভাগৰ অভিযন্তা আৰু স্বাস্থ্য বিভাগৰ কেবাগৰাকী বিষয়া উপস্থিত থাকে।
Trending
- সামাজিক ন্যায় আৰু সবলীকৰণ বিভাগৰ মন্ত্ৰী পীযুষ হাজৰীকাৰ সদৌ অসম সূত্ৰধৰ ছাত্ৰ সন্থাৰ ৮২সংখ্যক কেন্দ্ৰীয় অধিৱেশনত অংশগ্ৰহণ
- সৰুসজাই ষ্টেডিয়ামত ১১হেজাৰ শিল্পীয়ে পৰিবেশন কৰিব বড়ো লোক নৃত্যানুষ্ঠান ‘বাগৰুম্বা দ’হৌ
- আই আই টি গুৱাহাটী আৰু বালিপাৰা ফাউণ্ডেচনৰ মাজত বুজাবুজি চুক্তি-পূৱ হিমালয়ৰ পৰিৱেশ সংৰক্ষণ, শক্তি আৰু জল সুৰক্ষাৰ বাবে নতুন উদ্ভাৱন নীতিত কাম কৰাৰ লক্ষ্য
- স্বাধীনতা দিৱস উদযাপনৰ প্ৰস্তুতি সন্দৰ্ভত কামৰূপ (ম)জিলা প্ৰশাসনৰ সভা
- টপচেম চিমেণ্ট আৰু ভাৰতীয় ৰেডক্ৰচ ছছাইটিয়ে যৌথভাবে ৰক্তদান শিবিৰ আয়োজন
- এইচডিএফচি বেংকে এপিকে জালিয়াতিৰ বিৰুদ্ধে নাগৰিক সুৰক্ষাৰ বাবে গুৰুত্বপূৰ্ণ সতৰ্কবাণী জাৰি কৰিছে
- ভাৰতৰত্ন লোকপ্ৰিয় গোপীনাথ বৰদলৈক সশ্ৰদ্ধ স্মৰণ কামৰূপ (ম) জিলা প্ৰশাসনৰ
- NSE CROSSES 230 MILLION INVESTOR ACCOUNTS, RETAIL PARTICIPATION SOARS
- উৰিয়ামঘাটৰ ৰেঙমা জলসিঞ্চন আঁচনি পৰ্যবেক্ষণ মন্ত্ৰী অশোক সিংহলৰ
- চি আৰ পি এফৰ মুখ্য কাৰ্যালয়ত মা কামাখ্যাৰ ফটো সযতনে ৰাখিছে সঞ্চালক প্ৰধান জ্ঞানেন্দ্ৰ প্ৰতাপ সিঙে, গুৱাহাটীৰ আৰক্ষী আয়ুক্ত ডঃ পাৰ্থ সাৰথি মহন্তৰ পৰা বুজ অসমৰ পৰিস্থিতি