পলাশবাৰীৰ দখলা বণিয়াপাৰাৰ একাংশ লোকে কৃষি কৰ্মৰে স্বাৱলম্বীতাৰ সপোন দেখিছে

পলাশবাৰীৰ নৈপৰীয়া একাংশ লোকে আৰম্ভ কৰিছে কৃষি বিপ্লৱ। মহাবাহু ব্ৰহ্মপুত্ৰৰ বালি চাপৰিত আলু, নহৰু, মচুৰ মটৰ, মাহ, সৰিয়হৰ পৰা ষ্টবেৰিলৈকে খেতি কৰা হৈছে। বালি চাপৰিত এতিয়া পলাশবাৰীৰ দখলা বণিয়াপাৰাৰ নৈপৰীয়া একাংশ লোকে আৰম্ভ কৰিছে কৃষি বিপ্লৱ। দখলা বণিয়াপাৰা গৰাখহনীয়া সমবায় সমিতিৰ সদস্যসকল এতিয়া কৃষি কৰ্মত ব্যস্ত হৈ পৰিছে। সেউজীয়াৰ মাজত সপোন দেখিবলৈ আৰম্ভ কৰিছে। মহাবাহু ব্ৰহ্মপুত্ৰৰ বালি চাপৰিত এতিয়া সপোনে পোখা মেলিছে,কৰিছে আলু, নহৰু, মচুৰ মটৰ, মাহ, সৰিয়হৰ পৰা ষ্টবেৰিলৈকে বিঘাই বিঘাই খেতি। কৃষি বিভাগৰ পৰা সামান্য সহায় লাভ কৰিছে যদিও নিজববীয়াকৈয়ে এতিয়া সকলো কৰি গৈছে। ব্ৰহ্মপুত্ৰৰ বালি চাপৰিত এতিয়া কৃষিজীৱি ৰাইজ। আলু, নহৰু, মচুৰ মটৰ, মাহ, সৰিয়হ, ষ্টবেৰি খেতিৰ মাজত সোমাই থাকে ওৰেটো দিন। সভাপতি পৰেশ শৰ্মা আৰু সম্পাদক ৰাতুল দাসৰ নেতৃত্বত আশা সুধীয়া প্ৰচেষ্টাক সাকাৰ ৰূপ দিবলৈ অহৰহ চেষ্ঠা অব্যাহত ৰাখিছে। ৰাজ্য চৰকাৰৰ পৰা সহায়ৰ হাত আগবঢ়ালে সুখী হব, সেউজীয়া সপোনবোৰ সাকাৰ হ’ব। শ শ বিঘা পৰি থকা ভূমিত তেওঁলোকে সপোন দেখিছে সেউজীয়া হোৱাৰ। শ্ৰম কৰি গৈছে, কেৱল শ্ৰম কৰি আহিছে। চৰকাৰী চাকৰিমুখী নহৈ সকলোৱে খেতিৰ জৰিয়তে কিবা এটা কৰাৰ দুৰ্বাৰ হেপাঁহ পুহি ৰাখিছে। প্ৰথম বাৰৰ বাবে নৈপৰীয়া যুৱকসকলে এনেদৰে কৃষি কৰ্মত নিয়োজিত হোৱাৰ বাবে অঞ্চলটোৰ ৰাইজে শলাগ লৈছে।