যাত্ৰা জগতৰ অন্যতম যাত্ৰদল নাট্যদল যুগান্তৰে বিগত দহটা বৰ্ষ সফলতাৰে অতিক্ৰম কৰি ৰাইজৰ আশীষ তথা সাদৰ মৰমৰ ফলস্বৰূপে এইবেলি ২০২৪-২৫ নাট্যবৰ্ষৰ ব্যয়বহুল প্ৰযোজনাৰে একাদশ বৰ্ষৰ বলিষ্ঠ পদক্ষেপ হিচাপে সামাজিক আৰু ধৰ্মমূলক দুখনকৈ নাট লৈ আজি নাট্যদল যুগান্তৰৰ শুভ-নাট্যাৰম্ভ কৰা হয়। দক্ষিণ কামৰূপৰ পলাশবাৰী সমষ্টিৰ জটীয়া (জজি)ত প্ৰাণ পাই উঠা অসমৰ আগশাৰীৰ যাত্ৰাদল নাট্যদল যুগান্তৰত এইবেলি জয়ন্ত ঠাকুৰীয়াৰ ৰচনা আৰু পৰিচালনাৰে সমাজৰ প্ৰতিজন ব্যক্তিয়ে উপভোগ কৰিব পৰাকৈ বিভিন্ন কাৰিকৰী কৌশল তথা শৃংখলাবদ্ধভাৱে ৰাইজৰ মাজলৈ ‘মাজ নিশাৰ চিঞৰ’ আৰু একেগৰাকী নাট্যকাৰৰে অভিযোজনাৰে ধৰ্মমূলক নাট ‘মায়াশক্তি’ দৰ্শকে উপভোগ কৰিব পাৰিব। যুগান্তৰৰ প্ৰতিষ্ঠাপক প্ৰযোজক পূৰ্ণকান্ত ডেকাৰ সভাপতিত্বত অনুষ্ঠিত নাট উন্মোচনী সভাত নাট উন্মোচক হিচাপে উপস্থিত থাকি বিশিষ্ট নাট্যকাৰ, অভিনেতা, পৰিচালক তৰুণ কলিতাই ‘মায়াশক্তি’ আৰু জ্যেষ্ঠ সাংবাদিক, নাট্যকাৰ তথা বিষ্ণু জ্যোতি নাট্য গোষ্ঠীৰ প্ৰযোজক বিপুল দাসে ‘ মাজ নিশাৰ চিঞৰ’ শীৰ্ষক নাট উন্মোচন কৰে। লগতে আখৰা গৃহ মুকলি কৰে সাংস্কৃতিককৰ্মী নিলমণি তালুকদাৰে আৰু নাৰিকল ভাঙে শুভকাংক্ষী সূৰ্য্যকান্ত দাসে। উক্ত নাট শুভাৰম্ভ অনুষ্ঠানত উপস্থিত থাকে শুভকাংশী কুশল বৰুৱা, ডিম্বে মেধী, ৰঘুৰাম দাস সহিতে বহুকেইগৰাকী গণ্যমান্য ব্যক্তি। দুয়োখন নাটেই ৰাইজৰ সমাদৰ লাভ কৰিব বুলি আশাবাদী নাট্যদলটোৰ প্ৰযোজক মনোজ দাস, ব্যৱস্থাপক বিমল মজুমদাৰ, সম্পাদক জয়ন্ত দাস আৰু পৰিকল্পক দিবাকৰ দাসে। নাট্যদলটোৰ সংগীতৰ দায়িত্বত থাকিব সংগীত শিল্পী মনোজ দাস সহ নাট্যদল যুগান্তৰৰ পৰিয়ালবৰ্গই।
Trending
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme