পলাশবাৰী সমষ্টিৰ সৰাপাৰা ফ্ৰেণ্ডচ্ ক্লাৱৰ উদ্যোগত অহা ৫ অক্টোবৰত আৰ বি হাইস্কুল খেলপথাৰ, সৰপাৰাত বৰ্ণাঢ্য কাৰ্যসূচীৰে সপ্তম বাৰ্ষিক দশেৰা উৎসৱ (ৰাৱণ বধ) উদযাপন কৰাৰ বাবে ব্যাপক প্ৰস্তুতি চলাইছে বুলি ফ্ৰেণ্ডচ্ ক্লাৱৰ সভাপতি ধনঞ্জয় ঠাকুৰীয়া আৰু সাধাৰণ সম্পাদক যুগল কাকতী (তগৰ)য়ে জানিবলে দিছে। ক’ভিড কেন্দ্ৰীক পৰিস্থিতিৰ বাবে দুবছৰ বিৰতিৰ পিছত এইবেলি বৰ্ণাঢ্য কাৰ্যসূচীৰে দশেৰা উৎসৱ (ৰাৱণ বধ) কাৰ্যসূচী উদযাপন কৰাৰ বাবে পলাশবাৰী সমষ্টিৰ বিধায়ক হেমাংগ ঠাকুৰীয়াক সভাপতি, ৰবীন দাস, পংকজ কুমাৰ দাসক কাৰ্যকৰী সভাপতি, তপন দাস, দীপাংকৰ (দীপ)দাসক সাধাৰণ সম্পাদকদ্বয়, ৰমেন দাস, পংকজ কুমাৰ দেৱানক সহকাৰী সম্পাদকদ্বয় হিচাপে লৈ এখন সমিতি গঠন কৰিছে। প্ৰায় ১৫০ ফুট ওখ ৰাৱণৰ প্ৰতিমূৰ্তিটো নিৰ্মাণৰ বাবে প্ৰায় ৩৫ লাখ টকা ব্যায় হোৱাৰ লগতে তিনি মাহ পূৰ্বৰে পৰা শিল্পী বিচিত্ৰ শৰ্মা আৰু সহযোগীয়ে ৰাৱণৰ প্ৰতিমুৰ্তি নিৰ্মাণ কাৰ্যত ব্যস্ত হৈ আছে বুলি উদ্যোক্তাসকলে জানিবলৈ দিছে। দশেৰা উৎসৱ উপলক্ষে ৩ অক্টোবৰ (অষ্টমী) গধুলি ৬ বজাত বন্তি প্ৰজ্বলন। ৪ অক্টোবৰ (নৱমী) গধুলি ৭ বজাত নাম প্ৰসঙ্গ। ৫ অক্টোবৰ (দশমী) গধুলি ৬ বজাত উৎসৱৰ বিশেষ আকৰ্ষণ ২০২১ ইং বৰ্ষৰ ছ’নী টিভিৰ ইণ্ডিয়ান আইডল বিজেতা পৱনদ্বীপ ৰাজনৰ গীতৰ শৰাই, নিশা ৮ বজাত নিমন্ত্ৰিত অতিথিৰ দ্বাৰা ৰাৱণ বধ কাৰ্যসূচী ৰূপায়ণ কৰা হব বুলি উদযাপন সমিতিয়ে জানিবলৈ দিছে। উক্ত দশেৰা উৎসৱৰ সমূহ কাৰ্যসুচীত অঞ্চলটোৰ ৰাইজৰ সহায়-সহযোগ তথা উপস্থিতি আন্তৰিকতাৰে কামনা কৰিছে উদযাপন সমিতিয়ে।
Trending
- আজাৰাত এন ডি আৰ এফৰ প্ৰথম বেটেলিয়ানত সঞ্চালক প্ৰধান পীযুষ আনন্দ
- ৭৭ নং ঢকুৱাখনা বিধানসভা সমষ্টিৰ নিৰ্বাচনী বিষয়া কৰ্মী ৰাওনা ভোটকেন্দ্ৰলৈ
- ধেমাজি জৱাহৰ নবোদয় বিদ্যালয়ত সমাবেশ অনুষ্ঠান-নবাগতক বিদ্যালয় কৰ্তৃপক্ষৰ আদৰণি
- দীপৰ বিলৰ কাষৰীয়া দেউছতালত বৰো ধানৰ খেতিৰে সেউজ বিপ্লৱ গঢ়িছে বলেশ্বৰ ৰংপীয়ে
- ড্ৰাই ডে ঘোষণা
- মহানগৰীত ন’ ফ্লাই আৰু ন ক্ৰেকাৰ জ’ন “ঘোষণা জিলা দণ্ডাধীশৰ
- ব্যয় পৰ্যবেক্ষকৰ বৈঠক
- দুদিনীয়া কাৰ্যসূচীৰে অসমলৈ আহিব পঞ্জাবৰ মুখ্যমন্ত্ৰী ভগৱন্ত মান
- এল জি ইলেক্ট্ৰনিক্সে মুকলি কৰিলে MoodUP*
- যোগোৎসৱ আয়োজন