পূৰ্বৰ সকলো অভিলেখ ভঙ্গ কৰি ২৫২.৫৯ কোটিৰো অধিক ৰাজহ সংগ্ৰহ কামৰূপ মহানগৰ জিলা পৰিবহণ বিভাগৰ

চলিত বিত্তীয় বৰ্ষলৈ মাজত আৰু দুটা দিন থকা অৱস্থাত অৰ্থাৎ আজিলৈকে ২৫২, ৫৯, ১৭, ১৮৫ ( দুশ বাৱন্ন কোটি উনাষাঠি লাখ সোতৰ হাজাৰ এশ পঁচাশী) টকাৰ ৰাজহ সংগ্ৰহেৰে পূৰ্বৰ সকলো অভিলেখ ভঙ্গ কৰে ৰাজ্যৰ সহকাৰী পৰিবহণ আয়ুক্ত তথা অতিৰিক্ত দায়িত্ববাহী কামৰূপ মহানগৰ জিলা পৰিবহণ বিষয়া গৌতম দাস নেতৃত্বাধীন পঞ্জীয়ন আৰু অনুজ্ঞাপত্ৰ বিভাগৰ কাৰ্যালয়ে। ইফালে আজি সোমবাৰৰ দিনটোতো কামৰূপ মহানজৰ জিলা পৰিবহণ বিভাগে ২,৬৮,১৪, ৪৯০ (দুই কোটি আাঠসষ্ঠি লাখ চৈধ্য হাজাৰ চাৰিশ নব্বৈ ) টকাৰ সৰ্বাধিক সংখ্যক ৰাজহ সংগ্ৰহ কৰিবলৈ সক্ষম হয়। কামৰূপ মহানগৰ জিলা পৰিবহণ বিভাগে প্ৰথমবাৰৰ চলিত বিত্তীয় বৰ্ষত এনে অভিলেখ সৃষ্টি কৰিবলৈ সক্ষম হোৱাত বিভাগৰ বিষয়া-কৰ্মীসকল স্বাভাবিকতেই উৎফুল্লিত হৈ বিভাগটোৰ মুৰব্বী অথাৎ পৰিবহণ বিষয়া গৌতম দাসক অভিনন্দন জনাই তেওঁৰ নেতৃত্বত এই কাৰ্যালয়ৰ উত্তৰোত্তৰ উজ্জ্বল ভৱিষ্যত কামনা কৰে ৷