বাছৰ ভাড়া বৃদ্ধি নকৰিবলৈ আহ্বান দুৰ্নীতি বিৰোধী যুৱশক্তিৰ

দুৰ্নীতি বিৰোধী যুৱশক্তি,অসমে এক প্ৰেছ বিজ্ঞপ্তিৰ জৰিয়তে সদৌ অসম মটৰ পৰিবহন সন্থাক জনাই যে আহিবলগীয়া ১ ছেপ্টেম্বৰ পৰা বাছ সমূহ চলাচলৰ লগে লগে ৫০ শতাংশ ভাড়া বৃদ্ধি কৰা যি কথা তেওঁলোকে ঘোষণা কৰি আহিছে এই কথা কোনো কাৰণতে অসমবাসী ৰাইজে এই ক’ভিড-১৯ পৰিস্থিতিৰ মাজত মানি ল’ব নোৱাৰে।গতিকে মটৰ পৰিবহন সন্থাই অনাগত ৬ মাহলৈকে যাতে কোনো ধৰণৰ ভাড়া বৃদ্ধিৰ সিদ্ধান্ত নলয় তাৰ বাবে তেওঁলোকে আহ্বান জনায়।মনকৰিবলগীয়া যে ক’ভিড পৰিস্থিতিয়ে ৰাজ্যৰ সমগ্ৰ সাধাৰণ জনতাক জুৰুলা কৰি থৈ গৈছে।গতিকে এনে পৰিস্থিতিত কোনো কাৰণতে ৫০ শতাংশ ভাড়া বৃদ্ধি বিষয়টো গ্ৰহণযোগ্য নহয়।যদিহে মটৰ পৰিবহন সন্থাই তেওঁলোকৰ সিদ্ধান্তত অটল থাকে তেনেহলে দুৰ্নীতি বিৰোধী যুৱশক্তি অসমে বাহন সমূহ চলাচলত অনিৰ্দিষ্টকালীন ব্যাঘাত জন্মাব। এই ক্ষেত্ৰত অসমৰ মুখ্যমন্ত্ৰী আৰু পৰিবহন মন্ত্ৰীক মটৰ পৰিবহন সন্থাৰ লগতে আলাপ আলোচনা কৰি সিদ্ধান্ত গ্ৰহণ কৰিবলৈ অনুৰোধ জনাইছে।