মিৰ্জাত অত্যাধুনিক আই কনিক হেয়াৰ এণ্ড বিউটী চেলুন মুকলি

কৰ্মই ধৰ্ম। এনে এক কৰ্মৰ এক নিদৰ্শন দাঙি ধৰিলে পলাশবাৰী সমষ্টিৰ সৰপাৰাৰ যুৱক প্ৰদীপ দাসে। দাসে সংবাদ জগত খনত জড়িত থকাৰ উপৰিও নিজাকৈ কিবা এটা কৰাৰ প্ৰচেষ্টা হাতত লৈ দক্ষিণ কামৰূপৰ ব্যৱসায়ীক নগৰ মিৰ্জাত এখন অত্যাধুনিক ‘আই কনিক হেয়াৰ এণ্ড বিউটি চেলুন’ আজি মুকলি কৰে। সাংবাদিক নীৰেন চন্দ্ৰ মালী আঁতধৰা অনুষ্ঠানটোত যোৱা ১৫ ডিচেম্বৰত অত্যাধুনিক চেলুনখন আনুষ্ঠানিকভাৱে মুকলি কৰি বিশিষ্ট যুৱ সমাজকৰ্মী হিমাংশু শেখৰ বৈশ্যই। মুকলি কৰি বৈশ্যই চেলুনখনৰ স্বত্বাধিকাৰী দাসক প্ৰেৰণা যোগোৱাৰ লগতে উজ্বল ভৱিষ্যত কামনা কৰে। অনুষ্ঠানত ভাৰতীয় জনতা পাৰ্টি, দক্ষিণ কামৰূপৰ জিলা বিজেপিৰ যুৱ মৰ্চাৰ সভাপতি কৌশিক তালুকদাৰৰ, সাংবাদিক ৰতন কলিতা, হিতেন মালী, হিতেশ কলিতা, বিশ্বজিৎ দাস, গিৰীন্দ্ৰ কলিতাসহ অঞ্চলটোৰ বহুকেইজন সাংবাদিক তথা সংবাদকৰ্মী উপস্থিত থাকে। উল্লেখ্য যে, আই কনিক হেয়াৰ এণ্ড বিউটি চেলুনখনত সৰু ল’ৰা-ছোৱালীকে ধৰি পুৰুষ-মহিলাই নিজ ইচ্ছা অনুযায়ী চুলি কাটিব বা ষ্টাইল বনাব পাৰিব।