মিছন বসুন্ধৰা-১ ৰ সফলতাৰ পাছত মিছন বসুন্ধৰা-২ শুভাৰম্ভ কৰে মুখ্য মন্ত্ৰী হিমন্ত বিশ্ব শৰ্মাই। আজি শ্ৰীমন্ত শংকৰদেৱ কলাক্ষেত্ৰত মুখ্য মন্ত্ৰীয়ে শুভাৰম্ভ কৰা এই এই অভিযানৰ বাবে ৰাজ্য চৰকাৰে ইতিমধ্যে ৩২৯.১৯ কোটি টকাৰ অনুমোদন কৰিছে।খিলঞ্জীয়া ভূমিপুত্ৰসকলৰ মাটিৰ সমস্যা সমাধানৰ বাবে গ্ৰহণ কৰা এই আঁচনিৰ জৰিয়তে চৰকাৰী মাটি, ভিলেজ গ্রেজিং ৰিজাৰ্ভ (ভি জি আৰ) আৰু প্ৰফেছনেল গ্ৰেজিং ৰিজাভৰ (পি জি আৰ) মাটিত বসবাস কৰি অহা খিলঞ্জীয়া লোকসকলক মাটিৰ পট্টা প্ৰদান কৰা হ’ব।উল্লেখযোগ্য যে মাটিৰ পট্টা নথকাত দীর্ঘদিন ভি জি আৰ, পি জি আৰ বা চৰকাৰী মাটিত বসবাস কৰি অহাৰ পিছতো এই লোকসকলে বিভিন্ন চৰকাৰী সা-সুবিধাৰ পৰাও বঞ্চিত হৈ আছিল।মিছন বসুন্ধৰা-২ কাম অহা ৩১ ডিচেম্বৰলৈ চলিব। এই আঁচনিৰ দ্বাৰা জনজাতীয় লোকক স্থায়ী উত্তৰাধিকাৰী সূত্ৰে আৰু হস্তান্তৰযোগ্য অধিকাৰ প্ৰদানৰ বাবে ভূমি নীতি শিথিল কৰা হ’ব।ভূমি নীতি ২০১৯ শিথিল কৰি বিশেষকৈ চাহ, কফি আদি খেতি কৰা খেতিয়কৰ মাটি সম্পৰ্কীয় বিষয়বোৰ নিষ্পত্তি কৰা হ’ব। ভূমি ৰাজহ, স্থানীয় কৰ আৰু অন্যান্য মাচুল অনলাইন পৰিশোধৰ ক্ষেত্ৰত ই-খাজনাৰ ব্যৱস্থা প্ৰৱৰ্তন কৰি সংঘবদ্ধ ভূমি হস্তান্তৰ বাবে স্বয়ংক্রিয় নামজাৰি ব্যৱস্থা প্ৰৱর্তন কৰা হ’ব।ইয়াৰ উপৰি অস্থায়ীভাবে বসতি স্থাপন কৰা এলেকাৰ দখলদাৰী আৰু ৰায়তসকেল এই অভিযান কালতে অসম লোকসেবা প’ৰ্টেলৰ জৰিয়তে ভূমি স্বত্ব লাভ কৰিব পাৰিব।আনহাতে গুৱাহাটী চহৰ, পৌৰ এলেকা,ৰাজহ নগৰ আৰু গ্ৰামাঞ্চলত গৃহভূমি আৰু কৃষিভূমি প্রিমিয়ামৰ হাৰ এই অভিযান হ্রাস পাব।
Trending
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ