সীমান্ত নিৰাপত্তা বাহিনী চমুকৈ বিএছএফৰ আজাৰা পাটগাওস্থিত গুৱাহাটী ফ্ৰণ্টিয়াৰৰ মুখ্য কাৰ্য্যালয়ৰ চৌহদৰ নৱনিৰ্মিত খেল পথাৰত ৩০ অক্টোবৰৰ সন্ধিয়াৰ পৰা নিশালৈ এখন বাৰেৰহণীয়া দীপাৱলী মেলা অনুষ্ঠিত হয়। বিএছএফ গুৱাহাটী ফ্ৰণ্টিয়াৰ আৰু প্ৰথম এন ডিআৰএফ বেটেলিয়ানৰ বহু সংখ্যক বিষয়া জোৱান আৰু তেওঁলোকৰ পৰিয়ালৰ লোকৰ উপস্থিতিত সন্ধিয়া দীপাৱলী মেলাখন উদ্বোধন কৰে বিএছএফ গুৱাহাটী ফ্ৰণ্টিয়াৰৰ মহাপৰিদৰ্শক পীযুষ মৰডিয়াই। এই উপলক্ষে অনুষ্ঠিত চমু অনুষ্ঠানত মহাপৰিদৰ্শক পীযুষ মৰডিয়াই দীপাৱলী মেলাই চৌহদত থকা বিএছএফ আৰু প্ৰথম এন ডি আৰ এফৰ বাহিনীৰ বিষয়া জোৱানসকলৰ পৰিয়ালৰ লোকসকলক পাৰস্পৰিক ভাব বিনিময়ৰ লগতে তেওঁলোকৰ মাজত থকা সাংস্কৃতিক প্ৰতিভা মানুহ বিকশিত কৰি তোলাত সহায়ক হ’ব বুলি আশা ব্যক্ত কৰে। আনহাতে দীপাৱলী মেলাৰ লগত সংগতি ৰাখি স্বাস্থ্য শিবিৰ খাদ্য শিবিৰ অত্যাধুনিক প্ৰযুক্তিৰে নিৰ্মিত দ্ৰোণৰ উৰণ প্ৰথম এন ডি আৰএফৰ উদ্ধাৰ আৰু সাহাৰ্য অভিযানৰ সময়ত আক্ৰান্ত লোকসকলক উদ্ধাৰ কাৰ্যত ব্যৱহৃত শেহতীয়া প্ৰযুক্তিৰ সা-সজুলি সমূহ বিপনীত প্ৰদৰ্শন কৰা হয়। ইয়াৰ উপৰিও নিশাৰ ভাগত অনুষ্ঠিত সাংস্কৃতিক কাৰ্য্যসূচী বিএছএফ আৰু প্ৰথম এন ডিআৰএফ বাহিনীৰ কেইবাগৰাকী বিষয়া জোৱানৰ লগতে পৰিয়ালৰ লোকসকলৰ শিশুৱে নৃত্য-গীত পৰিবেশন কৰি আপ্লুত কৰে।
Trending
- সাহিত্য অকাডেমী বঁটা প্ৰাপক সুৰেন্দ্ৰ মোহন দাসক উষ্ম অভিনন্দন
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ