আঘোণ মাহ মানেই অসমীয়া জনজীৱনত এক গুৰুত্বপূৰ্ণ মাহ আৰু আঘোণ অবিহনে অসমত চহা জীৱনৰ কথা কল্পনা কৰিব নোৱাৰি । কিয়নো আঘোণ মাহতে বাৰিষা কালত প্ৰখৰ ৰদত কপালৰ ঘাম মাটিত পেলাই কৰা খেতিৰ ধান কটা বা চপোৱা হয়। দাবণীৰে পথাৰ ভৰি পৰে আৰু এক কথাত পথাৰত এক উৎসৱ মুখৰ পৰিবেশৰ সৃষ্টি হয় । ইফালে ৰাজ্যৰ আন প্ৰান্তৰ লগতে পশ্চিম গুৱাহাটীৰ কৃষি প্ৰধান অঞ্চল হিচাপে পৰিচিত বৃহত্তৰ ৰাণী অঞ্চলৰ খেতি পথাৰ সমূহ বিগত দিন কেইটাত ধান কটা , কটা ধান কান্ধত ভাৰ বান্ধি ঘৰলৈ নিয়া ,আদি দৃশ্যই সকলোকে আকৰ্ষণ কৰিছে । এই সন্দৰ্ভত পশ্চিম গুৱাহাটীৰ উদীয়মান কৃষক আৰু দেউচতালৰ নৱজ্যোতি সংঘৰ সভাপতি বলেশ্বৰ ৰংপী , ৰাণীৰ পুৰাণ শুকুৰবৰীয়াৰ দীনেশ নাথকে ধৰি কেবাজনো কৃষকে জানিবলৈ দিয়া মতে ইতিমধ্যে বেছিভাগ কৃষকৰ ধান কটা শেষ হৈছে । এতিয়া মাথোঁ কটা ধান ঘৰলৈ নিয়া আৰু ঘৰত মৰণা মৰা পৰ্ব চলি আছে । ৰাণীৰ বন বিভাগ আৰু ৰাইজৰ যৌথ প্ৰচেষ্টাৰত হাতীৰ উপদ্ৰপৰ পৰা ধানখিনি ৰক্ষা কৰিব পৰাৰ পাছত কৃষক ৰাইজে শান্তিৰে বছৰটোৰ বাবে লখিমীক ভঁৰালত ৰাখিবলৈ সাজু হৈছে। আনকি কিছু সংখ্যক কৃষকে মৰণা মৰা পৰ্ব শেষ হোৱাৰ পাছত নতুন ধানৰ চাউলৰে পৰম্পৰাগত ভাৱে ‘ন-খোৱা’ৰ বাবে সাজু হৈছে ।
Trending
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত