বন বিভাগৰ উদ্যোগত খানাপাৰা পাহাৰৰ শান্তিনগৰত বৃক্ষৰোপন

আমচাং অভয়াৰণ্যৰ কাষৰীয়া খানাপাৰা পাহাৰৰ শান্তিনগৰত পূৱ কামৰূপ বন সংমণ্ডলৰ অধীনৰ পাঞ্জাবাৰী খণ্ড বন কাৰ্য্যালয়ৰ উদ্যোগত আৰু স্থানীয় ৰাইজৰ সহযোগত আজি এক বৃক্ষৰোপনৰ কাৰ্যসূচী অনুষ্ঠিত হয় । এটি গছপুলি ৰোপন কৰি বৃক্ষৰোপন কাৰ্যসূচীৰ শুভাৰম্ভ কৰে পূৱ কামৰূপ বন সংমণ্ডলৰ বন সংমণ্ডল প্ৰাধিকাৰী ভাস্কৰ ডেকাই । এই উপলক্ষে পাঞ্জাবাৰী খণ্ড বন কাৰ্য্যালয়ৰ খণ্ড বিষয়া নিৰ্মল ডেকাই আঁত ধৰা চমু অনুষ্ঠানত বন সংমণ্ডল প্ৰাধিকাৰী ভাস্কৰ ডেকাই পাৰিপাৰ্শ্বিক ভাৰসাম্য ৰক্ষাত গছ গছনিৰ ভূমিকাৰ ওপৰত আলোকপাত কৰি বন বিভাগে ৰোপন কৰা গছপুলি সমূহ ৰাইজেও যাতে প্ৰতিপালন কৰে তাৰ বাবে উপস্থিত সকলোকে আহ্বান জনায় । অনুষ্ঠানত গুৱাহাটীৰ বনাঞ্চলিক বিষয়া পংকজ বৰাই ৰাইজে সহযোগিতা কৰিলেহে বৃক্ষৰোপন আঁচনিৰ মূল উদ্দেশ্য সফল হব বুলি ব্যক্ত কৰে । অনুষ্ঠানত উপস্থিত কেবাজনো লোকে অঞ্চলটোক সেউজকৰণৰ বাবে বন বিভাগে গ্ৰহণ কৰা সকলো কাৰ্যসূচীত ৰাইজৰ ফালৰ পৰা সহযোগিতা আগবঢ়োৱা হব বুলি ব্যক্ত কৰে ।আনহাতে বৃক্ষৰোপন কাৰ্যসূচীত অঞ্চলটোৰ ৰাইজৰ সহযোগত পাঞ্জাবাৰী খণ্ড বন কাৰ্য্যালয়ৰ বনকর্মী সকলে বিভিন্ন থলুৱা প্ৰজাতিৰ প্ৰায় ১৩০ টা গছপুলি ৰোপন কৰে।