ব্রাজিলৰ লাছা চলচ্চিত্র মহোৎসৱত বেলকনিত ভগৱান

বিশ্বৰ আগশাৰীৰ আন্তঃৰাষ্ট্রীয় চলচ্চিত্র মহোৎসৱত অসমীয়া চলচ্চিত্র বেলকনিত ভগৱানে প্রতিযোগিতাত স্থান লভা বতৰাই অসমীয়া ছবিজগতৰ বাবে সুখবৰ কঢিয়াইছে৷ বিগত ১১ জুলাইত লণ্ডনৰ ৰেইনবো ছ’চাইটীৰ বিশেষ বঁটা পোৱা আৰু জার্মানীৰ ষুটর্টগার্টত হ’ব লগা আন্তঃৰাষ্ট্রীয় চলচ্চিত্র মহোৎসৱত স্কুল অৱ দ্য ইয়েৰ সন্মান লভা ‘বেলকনিত ভগৱান’ চলচ্চিত্রখন অহা ২৩ জুলাইৰ পৰা ব্রাজিলৰ লাছা আন্তঃৰাষ্ট্রীয় চলচ্চিত্র মহোৎসৱত জার্মানীৰ ‘জুডেন ষ্টাৰনেন’, জাপানৰ ‘ৱ’মেন অৱ দ্য ফটোগ্রাফাৰ’, বুলগেৰিয়াৰ ‘চিবিল’, তুর্কীৰ ‘টোপৰাক’, ইংৰাজী ভাষাৰ ‘কম্প্রেনিয়ন’ আদি চলচ্চিত্রৰ লগত নেৰেটিভ শাখাত প্রতিদ্বন্দ্বিতাত অৱতীর্ণ হ’ব৷বেলকনিত ভগৱান পৰিচালনা কৰিছে বলিষ্ঠ পৰিচালক বিশ্বজিত বৰাই৷