পলাশবাৰী সমষ্টিৰ পৌৰসভাৰ অন্তৰ্গত ৮ আৰু ৯ নং ৱাৰ্ডত প্ৰধানমন্ত্ৰী আবাস যোজনা চহৰাঞ্চল, অসমৰ অধীনত গৃহ আধাৰশিলা স্থাপন আৰু গৃহ প্ৰৱেশ সমাৰোহ-২০২১ৰ শুভাৰম্ভ কৰে সমষ্টিৰ বিধায়ক হেমাংগ ঠাকুৰীয়াই। পলাশবাৰী পৌৰসভাৰ ৯ নং ৱাৰ্ডৰ পূৰ্ণিমা কলিতাই প্ৰধানমন্ত্ৰী আবাস যোজনাৰ অনুমোদন পোৱা এটি গৃহৰ আধাৰশিলা স্থাপন কৰাৰ পিছতে ৮ নং ৱাৰ্ডৰ জোনালী কুমাৰৰ আন এটি নৱনিৰ্মিত গৃহৰ প্ৰৱেশদ্বাৰ মুকলি কৰে বিধায়কগৰাকীয়ে। বিধায়ক ঠাকুৰীয়াই উক্ত দুয়োটা অনুষ্ঠানৰ শুভাৰম্ভণী কৰি ভাৰতৰ প্ৰধানমন্ত্ৰী নৰেন্দ্ৰ মোদী নেতৃত্বধীন চৰকাৰখনে দুখীয়া ৰাইজৰ হিতাৰ্থে লোৱা উক্ত আঁচনিৰ জৰিয়তে দুখীয়া লোকসকল উপকৃত হ’ব। লগতে পলাশবাৰী পৌৰসভাৰ অন্তৰ্গত প্ৰায় ১৭৪ টা পৰিয়ালে প্ৰধানমন্ত্ৰী আবাস যোজনা ঘৰৰ বাবে নিৰ্বাচিত কৰা হৈছে। পৰ্যায়ক্ৰমে সকলোকে আবাস গৃহ দিয়াৰ প্ৰস্তুতি চলাই থকাৰ লগতে এটি সুন্দৰ গৃহ সকলোকে প্ৰয়োজন, গৃহ সুন্দৰ হলে নিজৰ মনোবল তথা লৰা-ছোৱালীৰ পঢ়া-শুনাৰ ক্ষেত্ৰটো এটি ভাল পৰিবেশ হয় বুলি বিধায়কগৰাকীয়ে উল্লেখ কৰে। অনুষ্ঠানত প্ৰধানমন্ত্ৰী আবাস যোজনা প্ৰজেক্ট ডাইৰেক্টৰ (P.M.A.Y.U) প্ৰণৱ দত্ত গোস্বামী, মিনিচিপাল্টি চিভিল ইঞ্জিনীয়াৰ (P.M.A.Y.U) ৰূপজ্যোতি মালী, পলাশবাৰী পৌৰসভাৰ কাৰ্যবাহী অভিযন্তা প্ৰফুল্ল কুমাৰ শৰ্মাৰ লগতে কেইবাগৰকীও বিশিষ্ট লোক উপস্থিত থাকে।
Trending
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন