সোমবাৰে দিনজোৰা কাৰ্যসূচীৰে কটন বিশ্ববিদ্যালয়ৰ কলাগুৰু বিষ্ণু প্ৰসাদ ৰাভা প্ৰেক্ষাগৃহত কামৰূপ মহানগৰ জিলা প্ৰশাসনে অনুষ্ঠিত কৰে গান্ধী পেনোৰামা চলচ্চিত্ৰ মহোৎসৱৰ। এই মহোৎসৱত মহামানৱ মহাত্মা গান্ধীৰ জীৱনৰ আধাৰত নিৰ্মিত কেবাখনো ছবি বিনামূলীয়াকৈ প্ৰদৰ্শন কৰা হয়। পুৱা ১০ বজাত চলচ্চিত্ৰ প্ৰদৰ্শনীৰ শুভাৰম্ভ কৰে অসমৰ মাননীয় ৰাজ্যপাল অধ্যাপক জগদীশ মুখীয়ে।ৰাজ্যপালগৰাকীয়ে তেওঁৰ ভাষণত জাতিৰ পিতা মহাত্মা গান্ধীৰ জীৱনাদৰ্শৰ লগতে তেখেতৰ জীৱনৰ আধাৰত নিৰ্মিত বিভিন্ন কথাছবিৰ বিষয়ে সংক্ষিপ্ত আভাষ দিয়ে আৰু প্ৰদৰ্শনীত দেখুওৱা ছবিসমূহে দৰ্শকৰ জীৱন অহিংসাৰ আদৰ্শৰে প্ৰভাৱান্বিত কৰিব বুলি আশা প্ৰকাশ কৰে।আদৰণি ভাষণ প্ৰদান কৰি কামৰূপ মহানগৰ জিলাৰ উপায়ুক্ত পল্লৱ গোপাল ঝায়ে কয় যে অসমৰ বিভিন্ন জিলাৰ বিভিন্ন স্থানত মহাত্মা গান্ধীৰ জীৱনভিত্তিক কথাছবি প্ৰদৰ্শনৰ বাবে ৰাজ্যপালগৰাকীয়ে যি চিন্তা-চৰ্চা কৰিছে, ই সঁচাকৈয়ে গঠনমূলক। কামৰূপ মহানগৰ জিলা প্ৰশাসনে ৰাজ্যপালগৰাকীৰ পৰিকল্পনাৰে এই মহোৎসৱ অনুষ্ঠিত কৰিছে বুলি তেওঁ ব্যক্ত কৰে।অনুষ্ঠানত ভাষণ প্ৰদান কৰি গান্ধী পেনোৰামাৰ অধ্যক্ষ দেৱেন্দ্ৰ খান্দেলৱালে মহাত্মা গান্ধীৰ ওপৰত ছবি নিৰ্মাণৰ বিভিন্ন থল আছে বুলি মন্তব্য কৰে। কটন বিশ্ববিদ্যালয়ৰ উপাচাৰ্য অধ্যাপক ভৱেশ চন্দ্ৰ গোস্বামী, কামৰূপ জিলা প্ৰশাসনৰ সকলো অতিৰিক্ত উপায়ুক্ত, সহকাৰী আয়ুক্ত, তথা কটন বিশ্ববিদ্যালয়ৰ অধ্যাপক, অধ্যাপিকা, বহু ছাত্ৰ-ছাত্ৰী তথা আন-আন কলাপ্ৰেমী ৰাইজ উপস্থিত থকা এই মহোৎসৱত কস্তুৰবা গান্ধী আশ্ৰমৰ সেৱিকাসকলে প্ৰাৰ্থনা পৰিবেশন কৰাৰ পিছতে ‘দ্য মেকিং অৱ মহাত্মা’, ‘ৰড টু সংগম’, ‘গান্ধী মাই ফাদাৰ’, নামৰ মুঠ তিনিখন ছবি প্ৰদৰ্শন কৰা হয়।
Trending
- মৰিধল মহাবিদ্যালয়ত মনোজ্ঞ কাৰ্মশালা
- বন ভূমি অধিকাৰ আইন,২০০৬ ৰ অধীনত ভূমিৰ স্বত্ব প্ৰমাণ পত্ৰ প্ৰদান অনুষ্ঠানত অংশ গ্ৰহন কৰেলে স্বাস্থ্য আৰু পৰিয়াল কল্যাণ,জলসিঞ্চন মন্ত্ৰী অশোক সিংহলে
- গুৱাহাটীত আই এছ ভি আই আৰৰ উত্তৰ পূব অধ্যায়ৰ মধ্য কালীন অধিবেশন ২০২৫ মুকলি কৰে স্বাস্থ্য আৰু পৰিয়াল কল্যাণ মন্ত্ৰী অশোক সিংহলে
- ২০০ খন বিছনাযুক্ত ওদালগুৰি জিলা অসামৰিক চিকিৎসালয় পৰিদৰ্শন- মন্ত্ৰী অশোক সিংহলৰ
- শাওণ মাহৰ প্ৰথমটো সোমবাৰত বোলবোম উপলক্ষে ভীমাশংকৰত হাজাৰ হাজাৰ ভক্তৰ সমাগম
- ইণ্ডিয়া-এআই মিছন : অসমৰ ৫ শিক্ষানুষ্ঠানত স্থাপন হ’ব কৃত্ৰিম বুদ্ধিমত্তাৰ ডাটা লেব
- ফৰ্টিফাইড চাউলৰ সজাগতামূলক সংবাদ মাধ্যমৰ কৰ্মশালা
- অসম সাংস্কৃতিক ন্যাসৰ পাঁচদিনীয়া গ্ৰীষ্মকালীন কৰ্মশালাৰ সামৰণি
- চিন্তাবিদ – সমালোচক ডঃ হীৰেন গোঁহাইসহ চাৰিগৰাকী সাহিত্যিক- শিল্পীলৈ সাহিত্য সাধনা মঞ্চ অসমৰ সন্মান
- চিত্ৰশিল্পী-কবি ৱাহিদা আহমেদৰ কাব্যগ্ৰন্থ এশ বিয়োগ এক উন্মোচন