বিশ্ব জৈৱ বৈচিত্ৰ্য সংৰক্ষণ দিৱসত দীপৰ বিলৰ পাৰত গছপুলি ৰোপন

দীপৰ বিলক বিজ্ঞান সন্মতভাবে সংৰক্ষণ আৰু প্ৰদূষণমুক্ত কৰি বিলখনক পৰ্যটন থলীলৈ উন্নীতকৰণৰ হকে অলপতে গঠন হোৱা দীপৰ বিল সুৰক্ষা মঞ্চই বিশ্ব জৈৱ বৈচিত্ৰ্য সংৰক্ষণ দিৱসৰ লগত সংগতি ৰাখি ২২ মে’ত ঐতিহাসিক শ্ৰী শ্ৰীভাঙাৰা গোঁহাই থানৰ সমীপত দীপৰ বিলৰ পাৰত গছপুলি ৰোপন কৰে । গছপুলি ৰোপন কাৰ্যসূচীত বিশিষ্ট সমাজকর্মী কেষ্টৰাম ৰংপী আৰু সনেশ টেৰণ ,মঞ্চৰ সভাপতি হেনৰী ডেভিড টেৰণ , কাৰ্যকৰী সভাপতি গোলক দাস , উপ সভাপতিদ্বয় বলেশ্বৰ ৰংপী আৰু ধীৰাজ টুমুং , সাধাৰণ সম্পাদক প্ৰমোদ কলিতা , সহকাৰী সম্পাদক সুশীল টেৰণ , সাংগঠনিক সম্পাদিকাদ্বয় পদুমী টেৰণ আৰু পদ্মিনী ৰংচাল , কোষাধ্যক্ষ দ্বীপেন ৰংপীৰ উপৰি ভণিতা বড়ো ৰংপী , বিৰাজ কলিতাকে ( পৱন ) ধৰি কেবাজনো বিশিষ্ট লোক উপস্থিত আছিল । আনহাতে মঞ্চৰ কৰ্মকৰ্তা আৰু সদস্য সকলে দীপৰ বিলৰ পাৰত বিভিন্ন প্ৰজাতিৰ প্ৰায় ২০ টা গছপুলি ৰোপন কৰি চৰিওফালে গৰু – ছাগলীয়ে খাব নোৱাৰাকৈ বাঁহৰ বেৰ দিয়ে ।