গুৱাহাটী মহানগৰীৰ বৰ্জিত লেতেৰা পানীভাগ দীপৰ বিলত পেলাই অহাৰ ফলত বিলখন ভয়াবহ ভাবে প্ৰদূষিত হৈ পৰিছে । তদুপৰি গুৱাহাটী পৌৰ নিগমে দীপৰ বিলৰ পাৰত ডাম্পিং গ্ৰাউণ্ড স্থাপন কৰাৰ পিছৰে পৰাই বিলখনৰ মাছ-কাছকে ধৰি বিবিধ প্ৰজাতিৰ জলজ উদ্ভিদ ক্ৰমাৎ নিঃশেষ হ’বলৈ ধৰিছে । উল্লেখ্য যে পুৰাতন কালৰে পৰাই ঐতিহাসিক দীপৰ বিলত মাছ মাৰি জীৱিকা নিৰ্বাহ কৰি অহা বৃহত্তৰ আজাৰা অঞ্চলৰ প্ৰায় ৮২৫ টা অনুসূচীত সম্প্ৰদায়ৰ মাছমৰীয়া পৰিয়ালৰ ক্ষেত্ৰত ৰাজ্য চৰকাৰে কোনো কোনো সংস্থাপনৰ ব্যৱস্থা গ্ৰহণ নকৰাৰ লগতে কোনো প্ৰত্যক্ষ আঁচনি গ্ৰহণ নকৰিলে । ইপিনে বিশ্বৰ পক্ষী অভয়াৰণ্যৰ মানচিত্ৰত স্থান লাভ কৰিবলৈ সক্ষম হোৱা ঐতিহাসিক দীপৰ বিলখন ভয়াবহ ভাবে প্ৰদূষিত হৈ পৰাত দেশী বিদেশী পৰিভ্ৰমী চৰাইৰ সংখ্যাও পূৰ্বৰ তুলনাত যথেষ্ট কমি গৈছে । ক্ৰমাৎ কমি আহিছে দীপৰ বিলৰ অতি সোৱাদ যুক্ত মাছ-কাছৰ সংখ্যা । ইয়াৰ মাজতে প্ৰতিবছৰে দীপৰ বিল পাঁচপাৰা সমবায় সমিতিখনে বিলখনত বিবিধ প্ৰজাতিৰ মাছৰ পোনা এৰি দি আহিছে । তেনেক্ষেত্ৰত যোৱাকালি দীপৰ বিল পাঁচপাৰা সমবায় সমিতিয়ে দীপৰ বিলত প্ৰায় ৫০ হেজাৰ বিবিধ থলুৱা প্ৰজাতিৰ মাছৰ পোনা এৰি দিয়ে । দীপৰ বিল পাঁচপাৰা সমবায় সমিতিৰ উপদেষ্টা নীৰেন চন্দ্ৰ দাসকে ধৰি সমিতিৰ কেবাজনো কৰ্মকৰ্তা , দীপৰ বিল সুৰক্ষা মঞ্চৰ সাধাৰণ সম্পাদক প্ৰমোদ কলিতা , সহকাৰী সাধাৰণ সম্পাদক সুশীল টেৰণকে ধৰি মঞ্চৰ কেবাজনো কৰ্মকৰ্তাৰ উপস্থিতিত ঐতিহাসিক শ্ৰী শ্ৰী ভাঙাৰা গোঁসাই মন্দিৰৰ ওচৰত থকা দীপৰ বিলৰ ঘাটত মাছৰ পোনাখিনী এৰি দিয়া হয় । আনহাতে দীপৰ বিলত বাৰিষাৰ সময়ত এনেকৈ মাছৰ পোনা এৰি দিয়া বাবে পাঁচপাৰা সমবায় সমিতিত সচেতন লোক সকলে ভূয়সী প্ৰশংসা কৰিছে ।
Trending
- গুৱাহাটীত আই এছ ভি আই আৰৰ উত্তৰ পূব অধ্যায়ৰ মধ্য কালীন অধিবেশন ২০২৫ মুকলি কৰে স্বাস্থ্য আৰু পৰিয়াল কল্যাণ মন্ত্ৰী অশোক সিংহলে
- ২০০ খন বিছনাযুক্ত ওদালগুৰি জিলা অসামৰিক চিকিৎসালয় পৰিদৰ্শন- মন্ত্ৰী অশোক সিংহলৰ
- শাওণ মাহৰ প্ৰথমটো সোমবাৰত বোলবোম উপলক্ষে ভীমাশংকৰত হাজাৰ হাজাৰ ভক্তৰ সমাগম
- ইণ্ডিয়া-এআই মিছন : অসমৰ ৫ শিক্ষানুষ্ঠানত স্থাপন হ’ব কৃত্ৰিম বুদ্ধিমত্তাৰ ডাটা লেব
- ফৰ্টিফাইড চাউলৰ সজাগতামূলক সংবাদ মাধ্যমৰ কৰ্মশালা
- অসম সাংস্কৃতিক ন্যাসৰ পাঁচদিনীয়া গ্ৰীষ্মকালীন কৰ্মশালাৰ সামৰণি
- চিন্তাবিদ – সমালোচক ডঃ হীৰেন গোঁহাইসহ চাৰিগৰাকী সাহিত্যিক- শিল্পীলৈ সাহিত্য সাধনা মঞ্চ অসমৰ সন্মান
- চিত্ৰশিল্পী-কবি ৱাহিদা আহমেদৰ কাব্যগ্ৰন্থ এশ বিয়োগ এক উন্মোচন
- জ্ঞানমালিনী সাহিত্য সভাৰ আজীৱন সভ্য ভৰ্ত্তি অভিযান
- এয়াৰটেলৰ গ্ৰাহকৰ বাবে বিশেষ সুবিধা