কামৰূপ জিলা কাৰাটে সন্থাৰ উদ্যোগত এদিনীয়া কাৰ্যসূচীৰে যোৱা ৩০ জুলাইত মহানগৰীৰ ধাৰাপুৰ দুৰ্গা মন্দিৰ প্ৰাঙ্গনত কামৰূপ মহানগৰ আৰু কামৰূপ জিলাৰ আন্ত: জিলা কাৰাটে প্ৰতিযোগিতা অনুষ্ঠিত হয়। উক্ত খেলত কামৰূপৰ মহানগৰ আৰু কামৰূপ জিলাৰ ১৪ টা কাৰাটে ক্লাবৰ প্ৰায় ৩০০ খেলুৱৈয়ে অংশগ্ৰহণ কৰে। উক্ত প্ৰতিযোগিতাত সোণ আৰু ৰূপৰ পদক অৰ্জন কৰা খেলুৱৈ সকলে চলিত বৰ্ষৰ অক্টোবৰ মাহত অনুষ্ঠিত হ’ব লগীয়া সদৌ অসম কাৰাটে খেল প্ৰতিযোগিতাত খেলিবলৈ সুযোগ লাভ কৰিব। এদিনীয়াকৈ অনুষ্ঠিত কাৰাটে খেলত মুখ্য অতিথি হিচাবে পশ্চিম গুৱাহাটী সমষ্টিৰ বিধায়ক ৰমেন্দ্ৰ নাৰায়ণ কলিতা, গুৱাহাটী জিলা বিজেপিৰ সভাপতি তপন দাস, কামৰূপ জিলা অগপৰ সভাপতি পৰেশ বৰুৱা, গুৱাহাটী বিশ্ববিদ্যালয়ৰ ছাত্ৰ কল্যাণ সঞ্চালক ড০ ৰঞ্জন কাকতি, অসম ৰাজ্যিক কাৰাটে সন্থাৰ সাধাৰণ সম্পাদক আদৰ্শ চৌধুৰী, কামৰূপ জিলা ক্ৰীড়া সন্থাৰ সভাপতি উত্তম ব্ৰহ্ম, সাধাৰণ সম্পাদক প্ৰাঞ্জল বুঢ়াগোহাঁই, ধাৰাপুৰ তালুকৰ সভাপতি তিলক কলিতাৰ উপৰিও বহু কেইজন বিশিষ্ট ব্যক্তি উপস্থিত থাকে। প্ৰতিযোগিতাত লংকেশ্বৰ কাৰাটে গীল্ডৰ খেলুৱৈ উপাস্যা কাশ্যপ, অৰিস্মা চৌধুৰী আৰু নেহা কেওটে ব্ৰঞ্জৰ পদক লাভ কৰে। একেদৰে ধাৰাপুৰ ব্ৰহ্মপুত্ৰ কাৰাতে একাডেমিৰ খেলুৱৈ ক্ৰমে কৌশিক কলিতাই সোণ আৰু ব্ৰঞ্জ, যুৱদ্বীপ কলিতাই সোণ আৰু ব্ৰঞ্জ, পাৰ্থজিৎ দাসে সোণ, শৃংখল দাসে সোণ আৰু ৰূপ, প্ৰিয়ংশু দাসে ৰূপ, নম্ৰতা বৰুৱাই ৰূপ, হিয়াঞ্জলি কলিতাই ৰূপ, নয়ন মণি ঠাকুৰীৰই ৰূপ, দীকলু ডেকাই দুটাকৈ ব্ৰঞ্জ, প্ৰিন্স দাসে ব্ৰঞ্জৰ পদক, ৱিকি ডেকাই ব্ৰঞ্জ, জুবিন কলিতাই ব্ৰঞ্জ, তাজু আলিয়ে ব্ৰঞ্জ আৰু ধৃছিট ডেকাই ব্ৰঞ্জৰ পদক লাভ কৰিব সক্ষম হয়। আনহাতে পলাশবাৰী আঞ্চলিক চতোকান ক্লাৱে সোণ ১৩, ৰূপ ১৮ আৰু ব্ৰঞ্জৰ ২০ গৰাকী খেলুৱৈয়ে পদক লাভ কৰি অঞ্চলটোলৈ গৌৰৱ কঢ়িয়াই আনিবলৈ সক্ষম হৈছে।
Trending
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা
- আজাৰা সাহিত্য সভাৰ ফেচবুক পৃষ্ঠা উন্মোচন
- অসম ডাউন টাউন বিশ্ববিদ্যালয়ৰ পদক্ষেপ
- ভোটদানৰ সজাগতাৰ লক্ষ্যৰে মহানগৰীত চাইকেল ৰেলী
- নগাঁৱৰ ভিজন একাডেমী চিনিয়ৰ ছেকেণ্ডাৰী বিদ্যালয়ত “ব’হাগৰ এদিন” শীর্ষক উৎসৱ
- ঢকুৱাখনা চেইণ্ট থমাছ স্কুলত ব’হাগৰ এদিন