নিৰাময়ৰ উদ্যোগত সজাগতা সভা অনুষ্ঠিত

নিৰাময়ৰ উদ্যোগত তেজপুৰ বিশ্ববিদ্যালয়ৰ সহযোগত “৭৫ তম আজাদী কা অমৃত মহোৎসৱ “ৰ লগত সংগতি ৰাখি world Organ donation Day উপলক্ষে তেজপুৰ বিশ্ববিদ্যালয়ৰ চন্দ্ৰপ্ৰভা শইকীয়ানী প্ৰেক্ষাগৃহত নেত্ৰ্দান আৰু Stem cell দানৰ এখন সজাগতা সভা অনুষ্ঠিত হয়। সভাৰ উদ্দেশ্য ব্যাখ্যা কৰে নিৰাময়ৰ ট্ৰাষ্টি পল্লৱী নেওগ বৰাই।উক্ত সভাৰ আঁ‌ত ধৰে তেজপুৰ বিশ্ববিদ্যালয়ৰ অধ্যাপক ডঃ অমিয় কুমাৰ দাসে। সভাখনত তেজপুৰ চিকিৎসা মহাবিদ্যালয়ৰ চিকিৎসক ডাঃ ৰাজীৱ দাস, ডাঃ মেথিউ চেভিঅ সমল ব্যক্তি হিচাপে নেত্ৰ দানৰ প্ৰয়োজনীয়তাৰ বিষয়ে আলোচনা কৰে। নিৰাময়ৰ সভাপতি কুশল ডেকাই নেত্ৰ দানৰ সজাগতাৰ ওপৰত ব্যক্তব্য ৰাখে।বিশ্ববিদ্যালয়ৰ অধ্যাপক প্ৰমুখ্যে প্ৰায় দুই শতাধিক শিক্ষাৰ্থীয়ে এই অনুষ্ঠানত অংশগ্ৰহন কৰে। উক্ত সভাতেই তেজপুৰ বিশ্ববিদ্যালয়ৰ ৰসায়ন বিজ্ঞান বিভাগৰ জ্যেষ্ঠ অধ্যাপক ডঃ ৰবীন দত্তকে আদি কৰি বহুসংখ্যক লোকে মৰণোত্তৰ ভাৱে নেত্ৰ্দানৰ বাবে সন্মতি পত্ৰত স্বাক্ষৰ কৰে। নেত্ৰ দানৰ সজাগতাৰ লগতে অনুষ্ঠানটোত ষ্টেমচেল দানৰ সজাগতাৰ ওপৰত আলোকপাত কৰে গুৱাহাটী চিকিৎসা মহাবিদ্যালয়ৰ নেত্ৰ ভঁৰালৰ কৰ্মচাৰী হিৰক শৰ্মাই। সভাখনত বিশেষ সহযোগিতা আগবঢ়াই নিৰাময়ৰ ফালৰ পৰা বিকাশ বৰুৱা আৰু বাসুদেৱ কলিতা আৰু বিশ্ববিদ্যালয়ৰ নেশ্যনেল চাৰ্ভিছ স্কিমৰ ছাত্ৰ ছাত্ৰীসকলে।