আজি অসম জাতীয়তাবাদী যুৱ-ছাত্ৰ পৰিষদ কেন্দ্ৰীয় সমিতিৰ এটি শীৰ্ষ নেতৃত্বই অসমত আন্তঃৰাজ্যিক পাৰ-পত্ৰ প্ৰৱৰ্তন, নিবনুৱা সমস্যা আৰু অসমৰ জাতীয় জীৱনৰ অনান্য সমস্যা সমাধানৰ দাবীত অসমৰ মুখ্যমন্ত্ৰী হিমন্ত বিশ্ব শৰ্ম্মাক সাক্ষাত কৰি ওঠৰ দফীয়া এক স্মাৰক পত্ৰ প্ৰদান কৰে । মুখ্যমন্ত্ৰীৰ সাক্ষাতৰ পিছত সংবাদ মাধ্যমলৈ প্ৰেৰণ কৰা এক প্ৰেছ বিজ্ঞপ্তিত পৰিষদৰ কেন্দ্ৰীয় সমিতিৰ সভাপতি ৰাণা প্ৰতাপ বৰুৱা আৰু সাধাৰণ সম্পাদক পলাশ চাংমায়ে কয় যে অসম জাতীয়তাবাদী যুৱ-ছাত্ৰ পৰিষদে জন্ম লগ্নৰে পৰাই অসমত আন্তঃৰাজ্যিক পাৰ-পত্ৰ প্ৰৱৰ্তন কৰাৰ দাবী উত্থাপন কৰি আহিছে ।ভাৰতৰ স্বাধীনতাৰ পিছৰে পৰা অসমলৈ হোৱা বিদেশী আৰু বহিঃৰাজ্যৰ পৰা হোৱা অবিৰত আৰু অবাধ প্ৰবজনে ইতিমধ্যে অসমৰ থলুৱা খিলঞ্জীয়া লোকৰ স্ব-ভূমিত সংখালঘুত পৰিণত কৰাৰ উপক্ৰম কৰিছে ।সাম্প্ৰতিক প্ৰেক্ষাপটত আন্তঃৰাজ্যিক পাৰ-পত্ৰ পত্ৰ যে অতি যুক্তিযুক্ত আৰু নায্য দাবী সেয়া প্ৰতিপন্ন হৈছে । সেয়েহে অসম জাতীয়তাবাদী যুৱ-ছাত্ৰ পৰিষদে আজি অসমত আন্তঃৰাজ্যিক পাৰ-পত্ৰ প্ৰৱৰ্তন কৰাৰ লগতে অসমৰ শেহতীয়া সমস্যা কিছু সমাধানৰ দাবীত আজি মুখ্যমন্ত্ৰীলৈ স্মাৰক পত্ৰ প্ৰদান কৰিছে ।পৰিষদে প্ৰদান কৰা স্মাৰক পত্ৰৰ দাবী সমূহৰ ভিতৰত ৰাষ্ট্ৰীয় শিক্ষা নিতীৰ আধাৰত অসমৰ চৰকাৰী প্ৰাথমিক বিদ্যালয়ত মাতৃভাষাত শিক্ষাদান কৰা, অসম অৰুণাচল সীমা বিবাদ অসমৰ ভৌগোলিক অখণ্ডতা ৰক্ষা কৰি নিষ্পত্তি কৰা, নিৰ্মীয়মান ফৰলেন সমুহ ক্ষীপ্ৰতাৰে নিৰ্মাণ কৰা, ফৰলেন নিৰ্মাণ সম্পূৰ্ণ নোহোৱা পৰ্যন্ত টোল কৰ বন্ধ ৰখা, অসম চুক্তিৰ ছয় নং দফা কাৰ্য্যকৰী কৰা, মাজুলী যোৰহাট সংযোগী দলঙকে ধৰি ব্ৰক্ষ্মপুত্ৰৰ ওপৰত নিৰ্মীয়মান সকলো দলঙৰ নিৰ্মাণৰ কাম নিৰ্দিষ্ট সময়ত নিৰ্মাণ কৰা আদিয়ে প্ৰধান ।তেনেদৰ অসমৰ নিবনুৱা সমস্যা সমাধানৰ বাবে অসম জাতীয়তাবাদী যুৱ-ছাত্ৰ পৰিষদে এখনি বাৰ দফীয়া দাবী সম্বলিত স্মাৰক পত্ৰও প্ৰদান কৰে । এই স্মাৰক পত্ৰত পৰিষদৰ তৰফৰ পৰা নিবনুৱা সমস্যা সমাধানৰ বিভিন্ন পন্থাৰ বিষয়ে উল্লেখ কৰি এক বাৰ দফীয়া দাবী প্ৰদান কৰা হয় । উল্লেখযোগ্য পৰিষদৰ কেন্দ্ৰীয় সমিতিৰ সভাপতি ৰাণা প্ৰতাপ বৰুৱা, সাধাৰণ সম্পাদক পলাশ চাংমাই আৰু মুখ্য উপদেষ্টা কমল ভৰালীৰ নেতৃত্বত এটি সজাতি দলে অসমৰ মুখ্যমন্ত্ৰীক সাক্ষাত কৰি স্মাৰক পত্ৰ প্ৰদান কৰে।
Trending
- মুম্বাইৰ মজিয়াত জিলিকিল উত্তৰ-পূব- অসমৰ ড° যোগেশ দেউৰীলৈ নমস্তে জীৱনজোৰা সাধনা বঁটা
- আদিংগিৰি সেৱা ভাৰতীত মুকলি হকী প্ৰশিক্ষণ শিবিৰৰ সামৰণি
- NSE Enhances Digital Experience for Investors and Trading Members with New Features Across Web and Mobile Platforms
- ভাৰত চৰকাৰৰ স্বচ্ছ সৰ্বেক্ষণ বঁটাৰে সন্মানিত গুৱাহাটী
- NSE Celebrates Diwali with Traditional Lakshmi Pujan and Muhurat Trading Ceremony
- মিচিং আৰু সোণোৱাল কছাৰী স্বায়ত্তশাসিত পৰিষদৰ নিৰ্বাচনৰ পৰিপ্ৰেক্ষিতত ১১খন জিলাত ড্ৰাই ডে ঘোষণা
- তুৰাত ৫০ সংখ্যক পৰম্পৰাগত ‘ৱাংগালা মহোৎসৱ
- NSE Electronic Gold Receipts (EGRs) Witnesses Record Trading Volumes on the occasion of Dhanteras
- বাৰে ৰহণীয়া কাৰ্যসূচীৰে আই এ এছ এছ টিৰ ৪৮ সংখ্যক প্ৰতিষ্ঠা দিৱস পালন
- অসম ৰাজ্যিক চলচ্চিত্র বিত্ত আৰু উন্নয়ন নিগমৰ ভাৰপ্ৰাপ্ত অধ্যক্ষ হিচাপে আলেখ্য বৰুৱাক দায়িত্ব প্ৰদান