গুৱাহাটীৰ পশ্চিম প্ৰান্তৰ কৃষি প্ৰধান অঞ্চল হিচাপে পৰিচিত বৃহত্তৰ ৰাণীত বিগত বহুদিন ধৰি অব্যাহত আছে শালি ধানৰ ওপৰত বনৰীয়া হাতীৰ উপদ্ৰৱ। বিশেষকৈ সোঁণগুটি চপাই ঘৰলৈ অনাৰ বাবে কৃষক ৰাইজ সাজু হোৱাৰ সময়তে গাতে লাগি থকা অসম-মেঘালয় সীমান্তৰ ৰাণী সংৰক্ষিত বনাঞ্চলৰ পাহাৰ সমূহৰ পৰা সন্ধিয়াৰ পাছতে ওলাই অহা জাক জাক বনৰীয়া হাতীয়ে ধানৰ ওপৰত চলাই আহিছে অত্যাচাৰ। ধান খোৱাৰ লগতে হাতীয়ে গছকি নষ্ট কৰিছে বহু কৃষিভূমি। তথাপিও হাতীৰ উপদ্ৰৱ নেওচিও কৃষক ৰাইজ ব্যস্ত হৈ পৰিছে ধান কটা কাৰ্যত। বিশেষকৈ এফালে হাতীৰ ভয়তে বহুতে কিছু আগতীয়াকৈ ধান কটা আৰম্ভ কৰাৰ সমান্তৰালভাৱে তুলনামূলকভাৱে হাতীৰ উপদ্ৰৱ বা বিচৰণ কম হোৱা পথাৰ সমূহতো কৃষক ৰাইজে আৰম্ভ কৰিছে শালি ধান কটা পৰ্ব। এই সন্দৰ্ভত কৃষি কৰ্মৰ লগত জড়িত দীপৰ বিলৰ কাষৰীয়া দেউচতালৰ উদ্যমী ব্যক্তি তথা শালি ধান খেতিৰ বাবে বিখ্যাত ৰাণীৰ আন্ধেৰীজুলি পথাৰত বছৰ বছৰ ধৰি শালি ধানৰ খেতি কৰি অহা বলেশ্বৰ ৰংপীকে ধৰি অঞ্চলটোৰ একাংশ কৃষকে জানিবলৈ দিয়া মতে বিগত তিনিদিনমান আগৰে পৰা নীতি নিয়ম অনুসৰি মাংগলিক কাৰ্যৰ জৰিয়তে ধানৰ আগ লোৱাৰ পাছত ধান কটা কাম আৰম্ভ কৰিছে। বৰ্তমান কৃষক সকলে ধান সমূহ কাটি মুঠি কৰি পথাৰত ৰাখি থৈছে। তাৰ পৰা ধান কাটি থকাৰ মাজতে ঠেলা, অ’টোভান বা আন তেনে লঘু ধৰণৰ বাহনৰে কৃষক সকলে লখিমীৰূপী ধানক নিজ নিজ ঘৰলৈ লৈ আনিব। তাৰ পাছত গৰু, পাৱাৰ টিলাৰ বা টেক্টৰৰে মৰণা মাৰি অহা আঘোণ মাহত যাবতীয় ৰীতি-নীতি পৰম্পৰাৰে ভঁৰালত লখিমীক থৈ দিব। আনকি তাৰ মাজতে আঘোণ মাহত বহুতে নিজ ঘৰত পৰম্পৰাগতভাবে ন- খোৱা উৎসৱ পালন কৰি নতুন ধানৰ চাউলৰে লগে – ভাগে এসাজ খাব।
Trending
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা